Të martën, në hapësirën e Fakultetit të Edukimit në Prishtinë, u hap ekspozita e veçantë me temën “Nga murali dhe grafiti në pikturë”, e kuruar nga Albana Krasniqi. Ekspozita vë në pah kreativitetin dhe zërin e komuniteteve joshumicë, duke sjellë një koleksion të pasur pikturash të frymëzuara nga arti urban.
Vepra artistike në këtë ekspozitë ndërthurin elemente të muraleve dhe grafitit, duke i transformuar ato në forma të reja të shprehjes piktorike. Artistët, përmes këtyre krijimeve, ofrojnë një narrativë të fuqishme që përfaqëson diversitetin kulturor dhe kreativitetin individual.
Ekspozita ka për qëllim të nxisë dialogun mbi përfshirjen dhe respektimin e diversitetit, duke theksuar rolin e artit si mjet për të ndërthurur dhe bashkuar komunitete të ndryshme.
Të gjithë artdashësit janë të ftuar ta vizitojnë ekspozitën në hapësirat e Fakultetit të Edukimit dhe të përjetojnë këtë përvojë artistike unike.
Ekspozita është përkrahur nga Ministria e Kulturës në Prishtinë.
