[ Libra NëLinjë ]
Shkruan: Florim Zeqa, 15.06.2026
Zgjedhjet e 7 qershorit e nxorën në pah një paradoks të madh! Ndodhi për herë të parë në historinë e zgjedhjeve parlamentare në Kosovë, që në vendbanimet shqiptare pa asnjë serbë të votohen kandidatët e partive politike serbe!
Ndëshkimi me votë i mashtruesve ordinerë
Vërtetë nuk ka paradoks më të madh sesa kur në një venbanim autokton shqiptarë votohen serbët, ndërsa në anën tjetër bojkotohen partitë politike shqiptare.
Pa dyshim se përgjegjës për këtë situatë, në radhë të parë janë partitë politike shqiptare dhe liderët e tyre partiakë, të cilët e kanë sjellur popullin deri në këtë deregje sa t’i votojnë kandidatët e partive serbe dhe të mos i votojnë vëllezërit e tyre shqiptarë!
Përderisa, bojkoti është produkt i zhgënjimit të qytetarëve në partitë politike shqiptare, vota për kandidatët e partive serbe është ndëshkim i partive shqiptare nga vetë shqiptarët!
Mbajtja e shpeshtë e zgjedhjeve dhe mashtrimet serike të politikanëve kanë ndikuar në rënjen e interesimit të qytetarëve për dalje në zgjedhje!
Nga bojkoti qytetarë duhet të nxjerrin mësim partitë politike, të cilat, sa më parë duhet të gjejnë kompromisin e duhur në vend të bllokadës politike!
Ndryshe, nëse edhe kësaj radhe partitë politike nuk merren vesh mes tyre në Parlamentin e Kosovës për krijimin e institucioneve shtetërore, nga 36 % do të bie nën 30 % mosdalja e qytetarëve në zgjedhjet e ardhshme të jashtëzakonshme!
Rënja në 36 përqind e daljes së qytetarëve në zgjedhje është alarm i kuq për partitë aktuale politike!
Ngase janë 64 përqind e popullatës e cila nuk i beson më politik-bërjes kosovare!
Nëse edhe kësaj radhe partitë politike nuk gjejnë kompromis për bashkëqeverisje, ndëshkimi do të jetë akoma më i madh në zgjedhjet radhës!
Andaj, nëse partitë e duan mbijetesën në skenën politike, duhet të mobilizohen skajshmërisht në angazhimet e përditshme drejt reformimit të thellë, ngase ngjizja e një alternative të re politike do t’i nxjerrë jashtë Parlamentit shumicën prej tyre!
