[ Libra NëLinjë ]
Andrea Camaiora, profesor universitar, këshilltar “ekspert” i qeverisë italiane dhe ekspert me famë evropiane në fushën e komunikimit të krizës dhe të komunikimit strategjik, do të jetë në Shqipëri për një sërë takimesh nga e premtja, 16 tetor, deri të hënën, 19 tetor. Camaiora, i cili është edhe këshilltar i “Confindustria Albania”, shoqatës më të rëndësishme të sipërmarrësve në Shqipëri, do të takojë sipërmarrës dhe përfaqësues të institucioneve dhe do të zhvillojë një sërë vizitash mes Tiranës dhe Durrësit, pasi po shqyrton mundësinë për të çelur edhe në Shqipëri shkollën e trajnimit që shoqëria e tij, The Skill, organizon prej vitesh në Francë. Në këtë rast, shkolla e trajnimit do të promovohet nga shoqëria shqiptare Camaiora&Partners dhe do të jetë e rezervuar për një numër shumë të kufizuar të rinjsh që duan të përmirësojnë përgatitjen e tyre në fushën e biznesit sipas modelit evropian. Në të kaluarën, Camaiora ka zhvilluar tashmë kurse trajnimi në Tiranë për sipërmarrës dhe për drejtues të Intesa Sanpaolo Bank, si dhe ka takuar shumë përfaqësues të universiteteve të kryeqytetit.
Andrea Camaiora shpjegon: “Shqipëria është një vend që e kam në zemër. Kjo lidhje është bërë edhe më e fortë falë marrëdhënies me misionin e drejtuar nga Motra Alma Zogu në Leshe, në veri të vendit, i cili shpëton nga situata të vështira shumë vajza dhe të reja. Shqiptarët janë njerëz të mrekullueshëm, të cilët, si në Itali ashtu edhe në Shqipëri, dinë të japin gjithmonë më të mirën e tyre. Nëse vendosim ta hapim shkollën tonë të trajnimit edhe në Shqipëri, pas Francës, ajo do të bëhet më prestigjiozja në të gjithë Ballkanin.”
Me respekt,
Camaiora&Partners
andreacamaiora@gmail.com
