Skënder KARAÇICA
Poezi
STAMBOLL KË DO TË TAKOJ
Marrë udhën për Stamboll
bileta e udhëtimit
në kujtime historia
e shpërnguljes shqiptare.
Sa shumë shkuan në Anadoll
Sa shumë lot e dhimbje!
Marrë udhën për Stamboll
nuk takoj njeri të gjakut
ata flasin sy më sy
ata flasin në një gjuhë
kuptimin e di dielli
kuptimin e di gjaku
Marrë udhën për Stamboll
njerëzit e mi në peshojë jete
tani mbetën letër-shteti
duhet të shkoni në Anadoll.
Mbyllin portat me dryrin
e shënjës mbi ballë
lamtumirë toka ime
lamtumirë diell Kosove.
Anadoll nuk të zgjodhëm
po na zgjodhi letër-shteti!
Marrë udhën për Stamboll
porçarin e Dritëro Agollit
nuk e takoj në duqnin e tij
ai kishte vdekur me plisin shqip.
Erdha Stamboll të flasë
gjuhën e harresës në kohë
gjuhën e vrasjes letër-shteti
shpërngulje në tokën e huaj
Erdha Stamboll, Erdha Stamboll
të takoj kohën e gjakut tim.
Çikago, qershor 2023
Skënder Karaçica
Executive Director
Albanian-American Association
of Intellectuals Businessmen and Activists
Phone: +1 (708) 983-5394 | Email: S_Karaqica99@Hotmail.Com
