PËRJETËSI
Ari Ukimeri
Ti që je rreze shkëlqimi
Edhe terrin ma ban dritë
Edhe atëherë kur maron durimi
Me ty nata bahet ditè
Ty t’ kam rreze dielli
Edhe hana dritë që lshon
Zili na ka edhe qielli
Për nji dashni që kurrë s’mbaron
Ti je dita e çdo motmoti
Je çdo gja që shohë me sy
Mungesën tande e tregon loti
Sa asht zor koha pa ty
Ty t’kam busullë jetësore
Orientim drejtë pafundësisë
Andrrat e mia shekullore
Më dërgojnë drejtë përjetësisë
Aromën tande ma sjellë era
Edhe atèherĕ kur e vetmuar jam
Shikimin tand ma shëndritë pranvera
Edhe n’amshim me t’përmend kam
