Jehona e refuzimit të Muranës se Gjergj Kastriotit në Prizren dhe format e rezistencës

0
266
Nue Oroshi gjatë një ligjërimi në Skënderaj

Nue Oroshi

Këto ditë nga të gjitha trojet etnike shqiptare dhe mërgata e madhe atdhetare kisha me mijëra telefonata, emaila, sms në mesenxher si dhe komunikime të tjera edhe në forma të ndryshme lidhur më këtë veprim antikombëtar të forcave neo-otomane dhe atyre pansllaviste në Kosovë. Të gjithë këta atdhetarë kush me shumë e kush më pak në mënyrën e vet e kanë shprehur pakënaqësinë lidhur më këtë refuzim.

Por shtrohen pyetjet: A humbet lufta me një betejë? A ishte ky refuzim zbulim në dritën e diellit se kush janë neo otomanët dhe pansllavstët në Kosovë?Unë e mendoj të dytën. E mendoj të dytën se veprimi i matur dhe shumë profesional i intelektualëve dhe eksperteve të Shoqatës Trojet e Arbrit i zbuloj dhe i vendosi para aktit të kryer disa konjuktura të qelbuara që janë instaluar dhe përvjedhur në mënyra të ndryshme mbrenda institucioneve të Kosovës dhe janë duke e luajtur aty punën e djallit.

Ata janë duke e pirë duhanin në mënyrë tinzare Kryeministrit të Kosovës Albin Kurtit, i cili duhet të marrë masa sa më të shpejta që të bënë shkarkimin e Ministrit të Kulturës Hajrullah Çeku dhe komplet atyre neo-otomanëve të tjerë që janë fshehur mbrenda institucioneve të Kosovës dhe që ishin nënshkrues të këtij akti të tmerrëshem antikombëtar. Reagimet që me erdhën lidhur më këtë refuzim ishin të shumta.

Ata dhe ato atdhetare jepnin propozime prej më të ndryshmëve që kjo krizë e shkaktuar nga nje pjesë e institucioneve të Kosovës, që përfaqësojnë neotomanizmin dhe pansllavizmin, si dhe nga ana tjetër e atdhetarëve në të gjitha trojet etnike shqiptare dhe nga mërgata e madhe atdhetare që janë përkrahësit e Gjergj Kastriotit dhe historisë sonë shqiptare.Shumica nga këta atdhetar zgjidhjen e problemit nuk e shihnin njësoj.

Njëra pjesë këtë zgjidhje e shikonte duke u bërë nje ndërmjetësim në mes të forcave atdhetare shqiptare dhe atyre politike, kuptohet në nivelet më të larta qeveritare. Disa madje u shprehnin edhe të gatshëm që të ndermjetësojnë, në mënyrë që të zgjidhet fija e këtij lëmshi aspak të nderlikuar por që e nderlikuan pa asnjë nevojë forcat neo otomane dhe ato pansllaviste brenda institucioneve të Kosovës.

Reaguesit e tjerë dhe që nuk ishin të paktët zgjidhjen e çështjes e shohin në një konfrontim direkt me forcat neo otomane dhe ato pansllaviste, qoftë në formë të protestave masive apo në forma të tjera të një rezistence aktive për pastrimin e Kosovës nga tradhëtarët, që po e brejnë Kosovën si një gangrenë apo një kancer që nuk ka shërim pa e hequr të tërin nga faqja e dheut.

Se cili opcion do të aktivizohet në të ardhmën kjo mbetët të shihet.Shoqata “Trojet e Arbrit” është e gatshme për të dyja këto opcione të zgjidhjes së kësaj çështje. Sa i përket opcionit të parë në jemi të gatshëm të takojmë Kryeministrin e Republikës së Kosovës z.Albin Kurtin dhe të zgjidhim këtë çështje në mënyrë paqësore. Por jemi të gatshëm edhe për opcionin e dytë pra, atë të protestës dhe rezistencës qytetare në mbrojte të historisë shqiptare, në mbrojtje të atdhetarizmit shqiptarë. Një gjë dua t’iu siguroj të gjithë përkrahësve të Kastriotizmit.

Ne që e kemi dhënë këtë ide nuk e kemi dhënë vetëm sa për sy e faqe, por do t’iu prijmë të gjitha formave të rezistencës kombëtare deri sa të realizohet ky projekt kombëtar. Prizreni është qytet shqiptarë dhe shqiptarë do të mbetët. Shoqata “Trojet e Arbrit” këta muaj do të punon në dy drejtime: takime dhe informime me ambasadorë të huaj që vijnë nga shtetët qe e kanë krijuar dhe po e mbajnë Pavarësinë e Kosovës, si dhe takime me shqiptarët atdhetarë përkrahës të Kastriotizmit në të gjitha trojet shqiptare dhe nga mërgata atdhetare. Pra, për çfarëdo rezistence që do të vëndoset ne jemi të gatshëm t’i prijmë asaj rezistence.

Çdo qëndresë kundër forcave neo otomane dhe atyre pansllaviste do ta bëjmë pa maska por duke i identifikuar më emra dhe mbiemra. Tek e fundit Murana e Gjergj Kastriotit në Prizren kërkon edhe kurban për tu realizuar.Le të jem unë Kryetari i Shoqatës “Trojet e Arbrit” kurbani i parë. Edhe pas kësaj rezistenca kundër Neo Otomanizmit dhe Pansllavizmit duhet të vazhdoj. Kjo punë nuk është nisur për të mos përfunduar. Ky projekt ka filluar dhe do të përfundoj më plot sukses, pavarësisht kohëzgjatjes, apo cungjeve dhe gurëve që na dalin në rrugë dhe që nuk janë të pakët.

K O M E N T E

Ju lutem, shkruaJ komentin tuaj!
Ju lutem, shkruaJ emrin tuaj këtu

Kjo uebfaqe përdor Akismet, për të ulur spam. Mëso se si procesohen të dhënat e komentit tuaj.