promipool.com, 25 qershor 2022 – Përktheu Arben Çokaj
Jack Nicholson u rrit duke mos ditur të vërtetën për familjen e tij. Prindërit dhe vëllezërit e motrat e tij nuk ishin ata që ai mendonte se ishin. Nikolsoni e gjeti nënën e tij të vërtetë në moshën 37-vjeçare. Historia e jetës së Jack Nicholson do të bënte një film të mirë.
Aktori legjendar ka kaluar shumë në jetën e tij personale. Në fakt, për 37 vjet, Nicholson u mbajt në errësirë për të vërtetën tronditëse të familjes së tij. Familja e Jack Nicholson gënjeu se kush ishte nëna e tij. Për tre dekada, Jack Nicholson pa e ditur jetoi një gënjeshtër në shtëpinë e tij.
Gruaja që ai besonte se ishte motra e tij… ishte në të vërtetë nëna e tij. Dhe shkon edhe më tej: ajo që ai mendonte se ishte nëna e tij gjatë gjithë atyre viteve ishte në fakt gjyshja e tij. Pra, çfarë ndodhi?
Ylli i Hollivudit ka lindur në vitin 1937. Nëna e tij June Frances Nicholson ishte atëherë vetëm 16 vjeç dhe e pamartuar. Si rezultat, gjyshja e tij shtirej si nëna e tij për t’i dhënë vajzës së saj June një jetë normale.
Kështu Jack Nicholson u rrit duke besuar se gjyshja e tij Ethel ishte nëna e tij dhe June ishte motra e tij e madhe. Ylli i The Shining nuk mësoi për origjinën e tij të vërtetë për një kohë shumë të gjatë – në fakt, për 37 vjet të tërë. Siç duket, nëse Nicholson nuk do të ishte bërë i famshëm, me siguri nuk do ta kishte mësuar të vërtetën kurrë…
