Sanksionimi i iranianëve për akte keqdashëse kibernetike

0
253
US Department of State

DEKLARATA PËR SHTYP

ANTONY J. BLINKEN, SEKRETAR I SHTETIT

state.gov, 14 SHTATOR 2022Përktheu Arben Çokaj

Shtetet e Bashkuara po sanksionojnë dhjetë individë dhe dy entitete, të gjitha të lidhura me Korpusin e Gardës Revolucionare Islamike të Iranit, për rolet e tyre në kryerjen e akteve keqdashëse kibernetike, duke përfshirë aktivitetin e ransomware. Këto emërtime janë pjesë e një veprimi të përbashkët me Departamentin e Drejtësisë, Departamentin e Thesarit, Byronë Federale të Hetimit, USCYBERCOM, Agjencinë e Sigurisë Kombëtare dhe Agjencinë e Sigurisë Kibernetike dhe Sigurisë së Infrastrukturës.

Incidentet e Ransomware kanë ndërprerë shërbimet dhe bizneset kritike në mbarë botën. Aktorët e Ransomware dhe kriminelët e tjerë kibernetikë synojnë bizneset dhe infrastrukturën kritike dhe kërcënojnë sigurinë fizike dhe ekonominë e Shteteve të Bashkuara dhe kombeve të tjera. Shtetet e Bashkuara po ndërmarrin veprime sot për të luftuar dhe parandaluar kërcënimet e ransomware.

Njëkohësisht me këto përcaktime, programi i Shpërblimeve për Drejtësi i Departamentit të Shtetit, i cili administrohet nga Shërbimi Diplomatik i Sigurisë, po nënvizon tre individë nën ofertën e tij të shpërblimit për informacion mbi aktivitetin e huaj keqdashës kibernetik kundër infrastrukturës kritike të SHBA. Sipas kësaj oferte shpërblimi, Departamenti ofron deri në 10 milionë dollarë për informacion, që çon në identifikimin ose vendndodhjen e çdo personi që, ndërsa vepron në drejtimin ose nën kontrollin e një qeverie të huaj, merr pjesë në aktivitete kibernetike keqdashëse kundër infrastrukturës kritike të SHBA-së në shkelje e ligjit për mashtrim dhe abuzim kompjuterik.

Veprimet e sotme tregojnë përkushtimin tonë për të prishur infrastrukturën dhe aktorët e ransomware. Shtetet e Bashkuara nuk do të tolerojnë aktivitete keqdashëse kibernetike duke viktimizuar shtyllën kurrizore të ekonomisë amerikane dhe infrastrukturën kritike.

Për më shumë informacion mbi veprimet e sotme, ju lutemi shihni njoftimin për shtyp të Departamentit të Thesarit dhe njoftimin e RFJ (Rewards For Justice – Shpërblime për drejtësi).

K O M E N T E

Ju lutem, shkruaJ komentin tuaj!
Ju lutem, shkruaJ emrin tuaj këtu

Kjo uebfaqe përdor Akismet, për të ulur spam. Mëso se si procesohen të dhënat e komentit tuaj.