[ Libra NëLinjë ]
Gani I. mehmeti
Disi, ose ne nuk po i kuptojmë, ose vetë partitë tona janë krijuar për ta zhvatur Republikën e Kosovës. Hera e katërt që duan ta çojnë Kosovën në zgjedhje për asgjë, për kryeneçësi të tyre.
Janë çështje që, Kushtetuta e Kosovës nuk i ka paraparë gjithë këto eskivazhe të partive dhe të kryetarëve të tyre për formimin e institucioneve të Kosovës, ndërsa, pas zgjedhjeve të rregullta të shkurtit 2025, Kosova shkoi edhe dy herë të tjera në zgjedhje, më 28 dhjetor 2025 dhe më 7 qershor 2026. Të gjitha kanë mundur të kryhen me zgjedhjet e 9 shkurtit 2025, sikur të mos luftonte secila parti për vete për të qenë në pushtet.
Dy herë partitë opozitare akuzuan se nuk kishte kërkesë për diskutime rreth qeverisë herën e parë dhe u shkua në zgjedhjet e 28 dhjetorit po të atij viti.
Pas zgjedhjeve të 28 dhjetorit, u tha se nulk kishte diskutim për kryetarin e Kosovës. Tani kur kërkohen diskutime, partitë opoziotare e quajnë grushtshtet, pse kërkohet dakordim për zgjedhjen e kryetarët.
Secili përpiqet ta bëjë fajtorë njëri-tjetrin, por të gjithë janë fajtorë, të gjitha partitë, të gjithë kryetarët partiakë dhe të gjithë deputetët, janë fajtorë për gjendjen e sjellur deri këtu në të gjitha proceset e periudhat e kësaj kohe dhe për të gjitha zgjedhjet e panevojshme.
Të gjithë janë treguar të papërgjegjshëm dhe kundër formimit të institucioneve shtetërore.
Këta janë treguar më të ulët se edhe çdo qytetar tjetër.
Kur ne po kërkonim liri, barazi, demokraci, kur po kërkonim të çlirohemi prej çizmes serbe, nuk mbeti gjak pa u falur po për hir të Kosovës, të gjitha gjaqet janë falur për hir të Kosovës, për hir të popullit e rinisë, për hir të luftës kundër Serbisë, ndërsa sot, kur ne pretondojmë se kemi fituar lirinë, secili përpiqet të tregohet më i “mençur” se tjetri, gjithmonë në dëm të shtetit të Kosovës. Këta nuk do të kishin mundur të mendojnë e të veprojnë më keq se që vepruan tani kundër Kosovës.
Thirren në Luftën Çlirimtare të Kosovës, mbajnë në majë të gjuhës UÇK-në, por jo edhe në mendje. Ata që vërtet kujtojnë UÇK-në, nuk veprojnë në kundërshtim me shtetin. Ata janë për formimin e institucioneve, ata nuk harrojnë dëshmorët, heronjtë, të palgosurit, përndjekjet shqipatre nga serbët, torturat, të pagjeturit, gjenocidin.
Të gjtiha këto janë hedhur poshtë, deri sa mendojnë vetëm për poste e për pushtet dhe jo për shtet.
Po ju them se, kjo tingëllon sikur po punoni në favor të Serbisë dhe të Vuçiqit, i cili ende nuk është duke hequr dorë nga Kosova, për çka nuk e njef pavarësinë e saj. Jo, ata po ecin përpara me zhvillim e me armatim, e ne shtyhemi mesvetes, turp!
Krejt partitë kanë bërë grushtshtet. Të gjithë krekosen, sikur bota sillet rreth tyre, e nuk e dinë se deri sa nuk formojnë institucionet e shtetit, ata janë kërkushat. Faji është edhe tek subvencionet e deputetëve që ua ka dhënë kushtetuta. Sikur të mos paguheshin një vit pas skadimit të deputetit, ata do të vepronin më ndryshe, për të mos shkuar çdo gjashtë muaj në zgjedhje. Do t’i ruanin pagat e tyre të majme për katër vite.
Ka edhe shumë çrregullime të tjera, të cilat kanë mundësuar ardhjen deri këtu të gjendjes jostabile të Kosovës.
Dhe, disi, sot kur LVV kërkon diskutime e koordinim për zgjedhjen e kryetarit të Kosovës, ata i ikun! Edhe tani nuk po u bie tamam partive opoziztare, mbasi vet Kurti tha se unë kam mbajtur shënim, që, më parë se të bëhet marrëveshja për kryetarin, nuk do konstituohet as kuvendi e as qeveria. Por, edhe kjo tani nuk po u bie përshtati opozitarëve.
Nuk kanë thënë kot, qysh do të shkosh – je i sharë. (e popullit)
Ky është mjerimi më i madh i të gjithë atyre që po i kontribuojnë kësaj. Dhe kërkah nuk po u boie tamam për partitë tona politike.
