[ Libra NëLinjë ]
RAGUZË DHE GURË
iku deti e diku ra qielli
gjithçka Raguzë
tërë bota gurë
e vetëm gurë e shkallë
lehtë zdirgjem poshtë
vështirë ngjitem lart
në kambanën e mesditës
preka zërin shqip të Gjon Gjin Gazulit
të Mirditës
e gjithçka Raguzë e tërë bota gurë
(Raguzë, 3 maj 2025)
TE KULLA E BALSHAJVE
dritaret plot det të thellë
kulla ia paska marrë
syrit tënd
prarimin e vështrimit
ta paske marrë dielli
për të vakëtat rreze
në buzëmbrëmje
të shtunën
nën kullë të Balshajve
kësaj vere
RITUAL I PURPURT
purpuri i buzëve të mbrëmjes
pikoi ëmbël mbi një varkë
e palmat krehën flokët e gjatë
(Ulqin, te Kalaja, e shtunë, 3 maj 2025)
