[ Libra NëLinjë ]
Arben Çokaj
Vjosa Osmani në NATO, boll e zonja është e boll mirë e flet anglishten, por se pse i thotë Kosovës serbisht Kosovo, e jo Kosova si Albini e shqiptarët e tjerë, nuk e di! Dihet se Kosovo është emri i Kosovës në sllavisht, që dmth. Fusha e mëdhenjës. Por shqiptarët i thonë Kosova – shqip, megjithatë, derisa ta ndryshojnë. Atëherë a duhet Presidentja Osmani të përdorë emrin zyrtar Kosovo, apo emrin shqip Kosova, edhe pse në anglisht i thonë Kosovo, dhe kosovarëve Kosovars…
E sigurtë është, se për aq kohë sa do të jetë Osmani presidente, emri Kosovo nuk ndrysho kurrë, përderisa ajo nuk muind ta ndryshojë as një o në a. S’ka shans të bëhet emri psh. Dardania… Se znj. Osmani dëgjon tjerët, nuk është deterministe.
Gazeta daneze “Politiken”, gjatë luftës në Kosovë, zgjodhi ta quante: Kosova. Arsyetimi i tyre para pyetjes nga komuniteti serb, ishte se: “në Kosovë jetojnë shumica shqiptarë e ata e quajnë Kosova, kështu edhe ne e quajmë ashtu si i thotë shumica e popullsisë atje!” Nuk donin të thonin se kishin marrë anë me Kosovën.
Një herë në atë kohë, në një klub danez, më bie rasti të flas me një danez aty, e ai më thotë se e dinte ndryshimin mes “Kosovo” e “Kosova”. Hajt më thuaj, i thashë. Kosovo i thonë serbët, tha, e Kosova shqiptarët. Këtë ndryshim, që në atë kohë e dinte një danez i thjeshtë, nuk e din ende Presidentja e Kosovës, Vjosa Osmani.
Në fakt ne i kemi liderët shqiptarë tepër modernista, por jo determinista. Një determinist do që kligjet e shtetit që drejton të shtrihen në çdo cep, po ashtu edhe gjuha në vendin e tij. Tek ne kemi toponime të ndryshme nga pushtues të huaj, që i quajmë barbarizma gjuhësorë. Por i mbajmë bashkë me eZanin e naltë deri sa të na dalë shpirti, se jemi racë e trashë jo-shtetformuese – e thënë kjo shkurt, se nuk ka shpjegim tjetër! E pastaj ankohemi, pse nuk kemi shtet?! Si të kemi shtet, kur ata që drejtojnë nuk synojnë ta bëjnë atë, por ta vjedhin?!
