ERA HEDH NË GJI TË VJESHTËS FJALËT E GËSHTENJAVE

0
361
Niko Kacalidha

Niko Kacalidha

ERA HEDH NË GJI TË VJESHTËS FJALËT E GËSHTENJAVE

(Dy poetëve arbëreshë, De Radës dhe Serembes)

Era hedh në gji të vjeshtës fjalët e gështenjave.
Poetët në breg të detit thonë se mbetën pa atdhe.

Nata e lagur nën ullinjtë, flokët e De Radës lag.
Unë nuk bëj vetëm lirika, – thotë poeti, atje larg.

Mos harro, bir Serembe, që t’u thuash brezave,
se prej kohësh nën ullinj s’na zë gjumi për atdhe.

Hëna si fytyrë liriku mbi shtëpitë e fshatrave,
u thotë mbrëmjeve në ëndërr: ej, si flini pa atdhe?

Era hedh në vesë të vjeshtës degë malli dhe ullinj.
Bëjnë lirika atje ndër brigje dhe i nisin në shtëpi.

Gusht 1972
Gusht 2022

Dërgoi për publikim, Anton Nikë Berisha, shkrimtar

K O M E N T E

Ju lutem, shkruaJ komentin tuaj!
Ju lutem, shkruaJ emrin tuaj këtu

Kjo uebfaqe përdor Akismet, për të ulur spam. Mëso se si procesohen të dhënat e komentit tuaj.