ULLI ME FUSTANELLË

0
427
Atdhe Geci

ULLI ME FUSTANELLË

Një ditë e përditshme në shpirtin tim
është poezia, ideja, proza dhe eseja
dhe një dashuri e zemrës që s´ndalon.
Ky këndim i im për fatin e atdheut
është peomë ulliri që vështron përtej,
vështron nga Çamëria, Morea, Atika
nga Krahina e Mollës së Kuqe e Lisi.
Ullirit në Prevezë i pëlqen të vishet,
me qeleshe e fustanellë dhe t´ia merr
valles pellazgo shqipe të kohërave të
të hershme, valles heroike çame, si
në kohën e Pirros dhe Kollokotronit.
Ajo që më bën të shkruaj në një ditë
të përditshme, është Çamëria, fati i
ullirit të veshur me fustanellë, palat
heroike të njëmijë e njëqind luftave!
Shqiptar, jepja dorën atdheut, jepja,
se një dhe e pandarë është Shqipëria,
një dhe e pandarë Kosova dhe Ilirida
një dhe i pandarë Epiri pellazgo-ilir,
një dhe Shqipëri është i tërë Atdheu.
Tek ky ulli me këmishë e fustanellë,
çamët takohen me UFO-t e hënave,
UFO që njiheshin që nga pellazgët!…

Atdhe GeciDortmund, 2022

K O M E N T E

Ju lutem, shkruaJ komentin tuaj!
Ju lutem, shkruaJ emrin tuaj këtu

Kjo uebfaqe përdor Akismet, për të ulur spam. Mëso se si procesohen të dhënat e komentit tuaj.