[ Libra NëLinjë ]
(Poezi kushtuar lumit të qëndresës)
Llapi im i rrëmujës e i bujës,
gjumin ta kanë trazuar epokat,
por ti rrjedhën s’e ke ndalur ndër shekuj.
Shumëherë u lave në gjak
nga pashallarë e agallarë, nga krajla e çetnikë,
por çdoherë qëndrove i pathyeshëm e fisnik.
Nuk e ndërrove rrjedhën,
qëndrove aty ku të krijoi Perëndia,
i pastër si biluri, e më i fortë se guri.
Llapi im,
lumë që nuk shuhet,
tokë që nuk dorëzohet,
emër që nuk harrohet.
ARIF EJUPI
Gjenevë, 13 nëntor 2025
