[ Libra NëLinjë ]
Milaim Nela
Emërimi siç po thuhet i Liburn Aliut në kabinetin e Edi Ramës menjëherë pas dorëheqjes së tij nga qeveria Kurti jo vetëm është indikacion se Rama ka dorë të fortë në bllokimin e institucioneve në Kosovë por se roli i tij në punët e zeza në Kosovë është shumë më i madh sa shqiptarët e kanë menduar deri më sot!
Të mos harrojmë përpjekjet titanike të Edi Ramës në muajt dhe vitin e fundit për lirimin e Hashim Thaçit nga gjykata speciale e Kosovës në Hagë.
Dora e Edi Ramës nuk përjashtohet edhe në deklarimin e paprecedentë të zyrtarëve të BE-se se nuk do të takojnë asnjë zyrtar të Kosovës pa patur qeveri me mandat të plotë.
Të mos harrojmë se edhe ne Holandë dhe Belgjikë qeverisja ngjashëm me atë Kosovës sot për shkak të mosmarrëveshjeve politike ka zgjatur më shumë se 12 muaj.
Pra ky vendim i diplomacisë se BE-se është absurd dhe pa sens. Unë dyshoj fort në rolin dhe lobimin e Edi Ramës në këtë vendim.
Ky emërim potencial është presion i drejtpërdrejtë mbi Albin Kurtin për tu tërhequr në opozitë përpos faktit që Vetvendosje është parti e parë e dalë nga zgjedhjet e 9 shkurtit!
Emërimi potencial i Liburn Aliut është jo vetëm diversion i hapur por edhe goditje e marrëdhënieve Shqipëri-Kosovë sepse kjo jep përshtypjen se Kosova jo vetëm e njeh legjitimitetin e një qeverie të dalë nga zgjedhje totalisht të manipuluara dhe të vjedhura por se edhe bëhet pjesë e saj.
Po ashtu protestat tek ura e re në Mitrovicë e Dardan Molliqajt partnerit të Besa Shahinit ish-ministreshë e Edi Ramës nuk është rastësi.
Zgjedhja aksidentale e Dimal Bashës në krye të Kuvendit jo vetëm nuk rezultoi në zgjidhje të krizës por publikimi i një punimi tejet kontravers të tij të para 12 vitesh e ka rënduar pozitën e Kosovês në ballafaqimin e vazhdueshëm me Serbinë në tryezat ndërkombëtare.
Ndikimi i Edi Ramës tek PDK dhe LDK tashmë nuk është sekret.
Mos votimi i n/kryetarit të Kuvendit të Kosovës nga komuniteti serb e sidomos refuzimi edhe i Nenad Rashiqit tregon se fijet e këtij refuzimi e kanë fillesën në Beograd e nuk ka yshim që këto fije të kalojne nga Tirana.
I gjithë ngërçi tashmë disamujor që ka bllokuar legjitimimin e institucioneve të Kosovës më së shumti ndihmon dhe është oksigjen për Aleksandër Vuçiçin në Beograd i cili ndodhet në pozitë tejet të vështirë përballë protestave të qytetarëve të tij.
Duket se trekëndëshi i së keqes Beograd, Tiranë e ka ngulur fort një kënd edhe në Prishtinë!.
Sa më shpejt të kuptohet kjo nga mendjet e kthjellta në Prishtinë e këtu e kam fjalën nga politikanë të papërlyer nga i gjithë spektri politik shqiptar aq më mirë është jo vetëm për Kosovën dhe institucionet e saj por pêr faktorin shqiptar në përgjithësi.
