MOSREAGIMI I SHQIPTARËVE, SERBËVE DHE NDËRKOMBËTARËVE NDAJ SULMEVE SERBE MBI SHQIPTARËT NË SERBI, PËRSE?

0
196
Paraburgim

Gani I. Mehmeti

Kur ndodh ndonjë incident a ekces ndaj serbëve në Kosovë, çohen të gjithë dhe e dënojnë rastin. Krejt në rregull. Por, shpesh ndodhin reagimet tepër shpejt, dhe nga të gjithë, përfshirë liderët shtetërorë, e partiakë të Kosovës, nga ndërkombëtarët e të mos flasim edhe nga serbët, që çohen i madh e i vogël edhe jo vetëm reagojnë dhe dënojnë, por ata edhe sulmojnë rëndë e më rëndë, sepse është dëshirë e tyre që të ketë ekcese ndaj serbëve në Kosovë për t’u ankuar deri edhe në Kombet e Bashkaura, shpeshherë menjëherë pas ekcesit. Këto reagime bëhen menjëherë, pa pritur zbardhjen e rasteve të ekcseve nga dëshmitarë të rastit e nga gjykata. Bëhen reagime të furishme, të ashpra e të papërmbajtura në sulme ndaj shqiptarëve në Kosovë.

Mirëpo, nuk ngjet njësoj me sulmet e shqiptarëve në Serbi nga vetë serbët.
Vetëm kohën e fundit ndodhën disa raste dhe askush asnjë fjalë nuk e tha, madje as sa për t’u zbardhur e vërteta se pse dhe për çka ka ardhur deri tek ekcesi, sa do që, nuk është ekces mbytja e të riut në burgun e Beogradit shqiptar nga Kosova, i cili ishte edhe me shtetësi të Norvegjisë.

Pak ditë më parë u arrestua edhe një tjetër shqiptar dhe përveç informimit se u arrestua, nuk pati ndonjë reagim tjetër nga askush, as nga Kosova, as nga ndërkombëtarët, që për këtë çështje janë këtu, për të qenë të barabartë për të gjithë, edhe për serbët edhe për shqiptarët, mbasi këta dy popuj janë në konflikt mes tyre.

Po sot, sipas një njoftimi nga FB në BOTA SOT (8.1.2023), u infrmuam se është arrestuar nga agjentët e Serbisë një 25 vjeçar shqiptar, i cili po udhëtonte për në shtetet perëndimore. As për rastin nuk ka reagime! Ky, si 25 vjeçar, a mund të ketë akuzë nga serbia pse ka qenë pjesëmarrës i UÇK, pse atëherë ai ka lindur?!

More, a jemi ne njerëz? Po, edhe kafshë po të ishim, do duhej të kishte ndonjë reagim për rastet ekscesive që po ndodhin ndaj shqiptarëve në Serbi, qoftë nga grupe kriminale apo nga vetë organet shtetërore serbe.

Një gjë po ua them se, shumë më të mbrojtur janë drunjtë e kafshët në perëndim, se sa shqiptarët, ku do që janë në botë.
Çfarë buje u bë me rastin e arrestimit dhe paraburgimit të ish policit serb në veri të Kosovës, i cili sulmoi hapatas Kosovën dhe KFOR-in? A u çua në këmbë e gjithë bota, nisur nga Serbia, Borelli, Lajçaku, Stane, shtete në botë sa desh u ndez Lufta e Tretë Botrore, deri sa Gjykata Themelore në Prishtinë ia ndryshoi statusin e të paraburgosurit me burg shtëpiak!

Ndodhi rasti i plagosejes, me keqardhje, në Shterpcë, pa ditur fare për rastin se si kishte ndodhur, kush ishte iniciatori, u çuan të gjithë në këmbë e reaguan, nga Kosova, Serbia e të gjithë ndërkombëtarët, përfshirë Borellin, Lajçakun, Stanen edhe ambasadorët e shteteve të akredituara në Kosovë.

Në rregull, mund të themi, pse duhet të lufohen ekceset, të mos ndodhin ato. Por, përse nuk reagohet kur sulmohen edhde shqiptarët?
Vallë, mos ne jemi disi si tepricë tekologjike që thoshim për ndonjë mall të tepërt dikur!

Mos ne nuk jemi të nënave?
Dhe, në këso rastesh, do duhej të parët të ngrenë zërin në Serbi, kur ndodhin atje, pastaj gjithsesi nga Kosova dhe do duhej të shihnin njësoj ekceset, në këtë rast edhe për vrasjen e të riut në burgun e Beogradit edhe vetë ndërkombëtarët, deri sa ata janë këtu dhe përpiqen të ndërmjetësojnë mes Serbisë e Kosovës, në uljen e tensioneve për të shkuar deri tek marrëveshja përfundimtare, siç po thuhet.

Këto që ndodhin në Serbi, gjithsesi janë edhe frut i atij Ballkanit të Hapur të përqafuar edhe nga Edi Rama, si kryeministër i Shqipërisë që qenka për “lëvizje të lirë”, i cili, kurrë as një zë nuk e lëshoi në mbrojtje të shqiptarëve, qoftë nga Serbia, qoftë ngq Greqia.

E, sa u përket shqiptarëve në Kosovën Lindore, atje janë shumë-shumë keq, e hiç asnjë fjalë nuk e flet për ta dhe për shtetin “demokratik” të Serbisë, në krye me kryekriminelin Aleksandër Vuçiq.

Të gjithë i kanë shti veshët në lesh!…
Përse?…

K O M E N T E

Ju lutem, shkruaJ komentin tuaj!
Ju lutem, shkruaJ emrin tuaj këtu

Kjo uebfaqe përdor Akismet, për të ulur spam. Mëso se si procesohen të dhënat e komentit tuaj.