SONDAZHI EKSKLUZIV TREGON
Tirani i Kremlinit, Vladimir Putin (69) duhet të jetojë me sanksione për shkak të luftës së tij të agresionit në Ukrainë. Por 47 për qind e gjermanëve kanë frikë se ne do të dëmtojmë veten më shumë se rusët. Një shumicë e madhe pret një rënie ekonomike në këtë vend.
Foto: Mikhail Klimentyev/AP
Nga: THOMAS BLOCK dhe BURKHARD UHLENBROICH – Bild.de – 16.07.2022
– Përktheu Arben Çokaj
E gjithë Gjermania po duket e magjepsur të enjten e ardhshme: është dita në të cilën është planifikuar të përfundojë puna e mirëmbajtjes në tubacionin e gazit Nord Stream 1 – dhe de facto dita në të cilën Putini do të vendosë, nëse do e mbyllë rubinetin përgjithmonë të gazit në Evropë.
Përfaqësuesit e biznesit po paralajmërojnë tashmë një humbje dramatike të prosperitetit në Gjermani dhe krizën më të madhe që nga fundi i Luftës së Dytë Botërore.
Ndjenja e shumë njerëzve: Tani Putini na ka në dorë, ai vendos nëse duhet të ngrijmë ose jo në dimër.
Shefi i CSU-së Markus Söder (55) vendos gishtin në plagë dhe pyet: “A do të ishte e përgatitur qeveria federale, nëse Vladimir Putin do të thoshte se riparimi i Nord Stream 1 do të zgjaste më shumë dhe ai do të ofronte përdorimin e Nord Stream 2 për të?”
Shefi i CSU Markus Söder (55) – Foto: Roman Vondrous/dpa
Fakti që asnjë gaz rus nuk do të rrjedhë në Gjermani përmes Nord Stream 2 është thelbi i reagimit perëndimor ndaj luftës së agresionit të Putinit kundër Ukrainës.
Söder gjithashtu thotë: “Strategjia për ta gjunjëzuar shpejt Rusinë me sanksione nuk ka funksionuar deri më tani. Deri më tani, armët perëndimore kanë qenë dukshëm më efektive kundër Rusisë, sesa sanksionet që janë vendosur.”
Me këtë, kryeministri bavarez përjeton një ndjenjë të popullatës.
