Çfarë ndodh me një popull që humb besimin te të gjitha autoritetet? In memoriam, 10 vjet pa Arbën Xhaferin

0
826
Arben Xhaferri

Dita, 15 gusht 2022

Nëse Arbën Xhaferi do ishte amerikan, gjerman apo francez, ai do ta kishte pushtuar botën me diplomaci, por për fat të keq kjo figurë i përket një populli shumë të vogël”.

Kjo shprehje e ish-presidentit italian, Napolitano, jep vetëm një copëz të asaj që bota shqiptare e akademizmit dhe politikës humbi 10 vjet më parë në 15 gusht 2012.

Arben Xhaferri

Sot mbushet një dekadë nga mungesa fizike e dijetarit frymëzues, Arbën Xhaferi. Ai njihet për shumëçka, më së shumti si politikan e drejtues i PDSH në Maqedoni, por një nga pasuritë që la trashëgim janë sentencat e tij filozofike, disa prej të cilave janë sot më aktuale se në kohën kur jetoi dhe i tha.

Si një vizionar, para dhjetë e më shumë viteve ai na rikujton rëndësinë e lirisë e cila është kaq e keqkuptuar sot; rëndësinë e demokracisë e cila thuajse nuk ekziston.

Mjerisht, demokracia vetvetiu nuk e sjell lirinë, por liria hap shtegun për paraqitjen e demokracisë” – shkruante Arbën.

Ata që erdhën në emër të lirisë e demokracisë dhe na e vodhën atë me një formë ndryshe, janë sot shumë më të dukshëm për ne të tjerët, viktimat e mashtrimit të disafishtë. Shumë më të dukshëm se asokohe kur Arbëri e shkruante dhe e përcillte.

Një popull që humb besimin te të gjitha autoritetet, siç ka ndodhur me shqiptarët, e vë në dyshim qënien e vet, humb vetëbesimin, rezistencën ndaj asimilimit, kështu që përbuzja e vetvetes shoqërohet me adhurimin e tjetrit” – shkruan Arbën në një nga librat e tij.

Dhe nuk thua dot që s’e ka përmbledhur mirë të sotmen tonë identitare, dëshpëruese…

—–

Pjesë e një portreti botuar sot në DITA.
Mund të lexohet i plotë në versionin print të gazetës.

K O M E N T E

Ju lutem, shkruaJ komentin tuaj!
Ju lutem, shkruaJ emrin tuaj këtu

Kjo uebfaqe përdor Akismet, për të ulur spam. Mëso se si procesohen të dhënat e komentit tuaj.