[ Libra NëLinjë ]
Gani I. Mehmeti
Kalkulimet e të gjitha partive politike për zgjedhjen e kryetarit/es së Kosovës, disi po duken si një lojë e pandershme dhe një dukje e vënë në pah vetëm për interesat politike të partive në Kosovë.
Kjo sjellje tregon një papërgjegjësi politike për të mirën e Kosovës, që është për çdo kritikë ndaj të gjitha partive.
Nuk ka lojë me shtetin, nuk duhet të rrezikohet e as të pengohet zhvillimi i shtetit për një interes të të gjitha partive apo edhe vetëm të një partie politike.
Për ne si vëzhgues nga jashtë partive politike, na duket se personi më i mirë e më i dinjitetshëm për kryetare të Kosovës është Vjosa Osmani, e cila e ka përfaqësuar më së miri Kosovën në arenën ndërkombëtare deri sot këto kohët e fundit.
Vjosa është personaliteti më i duhur i shtetit po edhe i partive politike, përkundër që partitë janë çuar në këmbë kundër Vjosës, se gjoja ajho nuk qenka unifkuese p[r të gjitha partitë!
Vjosa Osmani ka dhënë dorëheqje nga partia e saj e formuar “Guxo” dhe tani është jopartiake.
Cilindo person tjetër ta zgjedhin për kryetar të Kosovës, nuk ka mundësi as dije e kapacitet ta përfaqësojë interesin e Kosovës më mirë sesa Vjosa Osmani.
Sa i përket përfaqësimit të unitetit ndër shqiptarë, siç është kërkuar dhe akuzuar Vjosa nga disa parti, ajo nuk ka qenë kundër e as për aq shumë, për çka disi po hezitohet ta kandidojnë dhe ta zgjedhin. Duhet ta dinë të gjithë se me Vjosën, shteti do të eci më përpara në organizatat ndërkombëtare. Është mirë të mos dëgjohen analistët jo qëllimmirë e që haptas shprehen kundër Vjosës nëpër debate. Kryetari i shtetit duhet të bëjë aq sa mundet në interes të shtetit, kështu siç është treguar Vjosa.
Deri sa kryetari i Kosovës zgjedhet nga partitë, atëhere për zgjedhjen e saj përgjegjësinë e bartin të gjitha partitë politike, në veçanti Lëvizja Vetëvendosje që ka shumicën e deputetëve pastaj vijnë edhe PDK e LDK, sepse, edhe vetëm me njërën nga këto dy parti, do të mund të zgjedhet kryetari/ja e Kosovës. Kështu që, duhet lënë anash interesat pqartiake e individuale në këtë rast për të mirën e vendit.
Ne nuk e kemi luksin të shkojmë edhe një herë në zgjedhje edhe për shkaqe të shpenzimeve edhe për atë se me zgjedhje nuk do të bëhet asgjë, deri sa del po i njëjti rezultat nga zgjedhjet, përveç dëmeve financiare, do i shkaktohen edhe dëme të tjera, që do mbetet pa kryetar e institucione tjera deri pas zgjedhjeve.
Nëse dikush i druhet Vjosës për ta zgjedhur kryetare, ajo ka deklaruar me kohë se me moszgjedhjen e saj kryetare do të angazhohet në politikë. Dhe, po u angazhua në cilën do parti politike, si në atë Guxe si në LDK, gjithsesi do të marrë votat më të shumta, ndoshta edhe me mbi 50 për qind. Atrëherë, do të dëmtohet më së shumti Lëvizja Vetëvendosje, PDK më pak, por ka gjasa të bie më poshtë. Do të bie edhe më poshtë LDK, nëse Vjosa shkon në GUXO.
Me një fjalë, kah të shkojë Vjosa, do të shkojnë edhe vutioesit, ajo ka konsidertaën në popull më shumë se akëcili tjetër.
Populli brenda Kosovës shihet se është për Vjosën, ashtu edhe mërgimtarët, prandaj, i jepni edhe një mandat të dytë për kryetare të Kosovës Vjosa Osmanit e mos luani me shtetin.
