Politikë
Blaze News, 06 nëntor 2024 – Përktheu Arben Çokaj
Ish-presidenti tani do të bëhet president i zgjedhur për herë të dytë.
Ish-presidenti Donald Trump u shpall fitues i zgjedhjeve presidenciale të vitit 2024 nga disa media të mërkurën herët në mëngjes.
Mbështetësit po prisnin, që ish-presidenti të lëshonte një fjalim në Mar-a-Lago në West Palm Beach, Florida, pasi fitoi disa shtete të fushëbetejës në rrugën e tij drejt një fitoreje të mundshme. Midis tyre ishin Xhorxhia, Karolina e Veriut dhe Pensilvania ndërsa votat e Miçiganit ishin ende duke u numëruar.
Nënpresidentja Kamala Harris, nga ana tjetër, la një turmë të madhe në një festë zgjedhore në Universitetin Howard pa mbajtur një fjalim. U raportua më parë se presidenti Joe Biden nuk do të merrte pjesë në festë.
Fox News e shpalli Trumpin fitues rreth orës 1:50 të mëngjesit të enjte. Trump kishte fituar tashmë 247 vota elektorale, sipas një projeksioni të CNN, por ai ishte përpara në disa shtete të tjera shumë të rëndësishme të fushëbetejës.
Trump u fotografua duke kontrolluar rezultatet e zgjedhjeve me miqtë e tij Elon Musk dhe Dana White.
Në mesin e atyre mbështetësve të Kamala – Walz, që kundërshtuan me forcë Trump, por pranuan humbjen e tyre herët në natën e zgjedhjeve, ishte sipërmarrësi Mark Cuban.
“Urime @realDonaldTrump. Ju fituat në mënyrë korrekte. Urime edhe për @elonmusk,” tha ai në rrjetet sociale.
