Sharkia e Dervish Shaqës ka ardhur në Kosovë

0
759
Dervish Shaqa me çifteli

Fletëza jete

UDB-ja serbe e kishte kërkuar Dervish Shaqën, ndonëse i kishte rënë sy fryma e tij për kombin dhe atdheun. E donte Kosovën dhe Dukagjini me kullat prej guri dhe frengjitë, ishin bërë kazerma të shpirtit kryengritës të shqiptarëve.

Sharkia dhe kënga e tij, ishin kushtrim për lirinë e Kosovës. Për të shpëtuar nga dora vrastare e UDB-së serbe, Dervish Shaqa u ngjit në majat më të larta të bjeshkës për të hyrë në zemrën e Shqypnisë.

Ishte dimër dhe kënga e tij “Kur ta ktheva Kosovë shpinën/e lashë borë e gjeta dimën/”, çudi se si regjimi i kohës nuk i pati rënë fije këngës së Dervish Shaqës(sic!).

Një shekull me sharki në dorë! Një shekull këngë epike për Kosovën e tij që kishte mall dhe shumë e deshti. Nuk u kthye për të gjallë për të parë burrat e Dukagjinit dhe odat e burrërisë, ku, nëpër kohë kishte kënduar në dasmat e gëzimeve dukagjinase…!

Dervish Shaqa na la trashëhgim këngën dhe melodinë e “pentagramit! të tij me shpirtin plot zjarr të kombit dhe të atdheut të tij shqiptar, të Kosovës heroike…!

Sharkia e tij ka ardhur në Kosovë! Këtë lajm e lexova përmes shkrimit të shkurtër të Blerim Avdullahut, djalit të mësuesit të veteranit të arsimit shqip në Drenicë, Shefqet Avdullahu nga katundi Zabel i Epërm i Drenicës.

Për fund do të ishte mirë që fofografitë, tekstët e këngëve folklorike, kostumet dhe sharkia e Dervish Shaqës të vendosën në Muzeun Kombëtar në Prishtinë!

Çikago, shkurt 2023


 

NË KULLË KRISMË PUSHKËSH

Prekazi me del përpara
Drenica flet me diellin
Adem bir,
Nuk e lëshojmë pragun.

Prekazi me del përpara
Drenica malet istikame
Hamëz bir,
Më sjellë hutën.

Dielli u jep hijeshi
Varreve të vdekjes
për ty Kosovë!

Babë Shaban Jashari
përkund djepat
me lule të Drenicës!

Çikago, shkurt 2023


Skënder Karaçica
Executive Director

Albanian-American Association
of Intellectuals Businessmen and Activists
Phone: +1 (708) 983-5394  | Email: S_Karaqica99@Hotmail.Com

K O M E N T E

Ju lutem, shkruaJ komentin tuaj!
Ju lutem, shkruaJ emrin tuaj këtu

Kjo uebfaqe përdor Akismet, për të ulur spam. Mëso se si procesohen të dhënat e komentit tuaj.