VËZHGIM !
Arben Çokaj
Edhe pse Perëndimi e ndihmoi Kosovën të çlirohet nga dhuna serbe, i bëri një Gjykatë Speciale në shërbim të Serbisë, dhe tani përfqësuesit ndërkombëtarë në Kosovë, ku marrin rroga të majme, duan që agonia e parregullsive në Kosovë të zgjasë pafundësisht – si pushtimi serb dikur, që Kosova të mos bëhet kurrë shtet normal, se ndryshe ata humbin punën e tyre, e kështu kanë filluar të marrin komplet anë me Serbinë, në kurriz, e me kosto të Kosovës.
E keqja është se jo të gjithë shqiptarët në Kosovë e kuptojnë këtë, disa kanë edhe interesat e tyre nga kjo gjendje, disa duan të rrëzojnë Kurtin, e kështu hyjnë në valle me vendimet e veprimet shpeshherë të paarsyeshme të ndërkombëtarëve. Rasti i fundit Ura e Ibrit. Pse të mos hapet? Ku e kanë hallin vendet e QUINT-it në këtë rast?
Po shqiptarët modernistë, që bëhen me ta? A nuk është Ura e Ibrit në territorin e Kiosovës dhe lëvizja e lirë duhet të jetë kudo në Kosovë? Pse dalin kundër atëherë. Si ky, ka edhe raste të tjera, dhe po bëhet gjithnjë e më qartë, se ndërkomnbëtarët e kanë gabim, por meqë na kanë ndihmuar me pavarësinë, përpiqen t’ia hedhin tani fajin kryeministrit Kurti, i cili në fakt po synon shtrirjen e ligjshmërisë së shtetit të Kosovës mbi territorin e tij.
Perëndimi e ndihmoi Kosovën të fitojë lirinë, por tani përfaqësuesit e saj po përpiqen gjithnjë e më shumë, me veprimet e tyre, ta mbajnë Kosovën si koloni të tyre. A po e shihni si po sillen ata, si serbët?! Kosova e fitoi lirinë nga Serbia, tani duhet të fitojë sovranitetin nga ndikimet negative të ndërkombëtarëve. Prandaj Kosova duhet të sigurojë mbrojtjen e territorit të saj nga Serbia, si fillim, me sisteme të avancuara mbrojtëse Iron Dome, e të mos e dëgjojnë Ganen e shitur, më pas gradualisht ta largojë ose injorojë edhe ndikimin negativ të ndërkombëtarëve. Sepse me ta, nuk po ecet më përpara. Po bëhen pengesë! Duan ta mbajnë Kosovën në gjendje status quoje, të dobët, që të luajnë me të.
Mos kujtoni se të gjithë ndërkombëtarët janë të ndershëm dhe na e duan të mirën. Ishin ata që na ndanë më 1878 e 1913, apo jo?! Prandaj duhet kujdes me ta, por edhe këmbëngulje nga Kosova drejt sovranitetit të plotë. E që të jesh sovran duhet të jeshë edhe i fortë deri diku, prandaj duhet edhe një mbrojtje e fortë e territorit të Kosovës. Katolikë e muslimanë, mos na u merrni me konkurrencë fetare një herë. Se fenë aty e keni, nuk ua merr kush, Kosovën po!
