[ Libra NëLinjë ]
Atë që di t’i bëjë gjërat më mirë se ti, imitoje!
Bëji shoqëri atij që rri gjithmonë vetëm!
Cakto objektiva dhe jeto me disiplinë, nëse dëshiron të jesh i suksesshëm!
Çrrënjos çdo të keqe nga vetja e nga të tjerët!
Dera e Parajsës na hapet nëse paraqesim një buqetë me sekrete!
Dhurata e parë që mund t’u bësh të tjerëve është t’i pranosh siç janë.
Ec nga ana e të dobëtit dhe të mundurit!
Është bukur të jetosh me dhimbjen e atij që qan!
Fali gabimet dhe dobësitë e të tjerëve!
Gëzohu kur dikush kthehet në rrugën e së mirës!
Gjej kohë për të dashur!
Harro shpejt të keqen që ta kanë bërë!
Imito Jezusin dhe shenjtërit!
Jepi faljen atij që e sheh se pendohet!
Kërko në çdo gjë dhe në të gjithë anën pozitive!
Lehtëso me buzëqeshjen tënde trishtimin e të tjerëve!
Llumi bie poshtë vetë kur të qëndrosh i kthjellët dhe në heshtje.
Mbaj qetësinë në momentet e vështirësisë!
Në lutje dhe në Heshtje shihet Realiteti!
Njëra dorë lan tjetrën dhe të dyja lajnë fytyrën – thotë populli.
Ofro paqe gjithmonë e mos e hidh mbi të tjerët peshën e vuajtjeve të tua!
Pranoje Zotin kur të jesh në dritë dhe kur të jesh në errësirë!
Qetëso emocionet dhe ndalo diskutimet mendore!
Respekto atë që mendon dhe jeton ndryshe nga ti!
Rregullo zemrën tënde, që të jesh i aftë për të ndihmuar atë që ka nevojë!
Sakrifiko që të ngushëllosh ata që vuajnë!
Shmang grindjen me atë që të kundërshton!
Trokit në derën e atij që është duke vuajtur!
Thellohu në lutje dhe në meditim, që të jesh vërtet i lumtur!
Ulu e prit në Heshtje Zotin!
Vetëm të lumturit bëjnë të lumtur!
Xixëllonjat janë drita të vogla: shkëlqe edhe ti aq sa ke mundësi!
Xheste të vogla, por me dashuri të madhe – mësonte nënë Tereza.
Yjet janë një spektakël i vërtetë në mes të territ.
Zoti të do: mos e harro kurrë këtë të vërtetë!
Zhduku ti, që të duket Hyji!
Nikolin Sh. Lëmezhi
Shkodër, më 13. 11. 2026
