[ Libra NëLinjë ]
VDEKJET NË KANTIER
Ata janë
Kushërinj të shqiponjave
Por bien poshtë në tokë
Nga qielli i zi i skelave të zeza
Sipas anamnezës
I qylaxhinjve
Nuk del asnjëri prej tyre
As i haxhiqamilëve
Atyre republika kjo e mira
Në vend të hises ua dha mundësinë
Trupin e votën me shitë lirë
Mbi varrin e tyre kurorë vë koha tevona
Nëse kur të shkojë nata gdhin tjetër ditë
EMPIRIZËM
Kush ia njeh lotët shiut
Kush ia ndjeu mbi shpinë tufanet
E mban mbi kokë e s’i beson çadrës
UNAK I VATRËS
Arti i skulpturës
T’i ka ngrirë gjymtyrët
E nuk ke si të ikësh
Prej atyre që të braktisën
Laokoont i përjetshëm
E për një fotografi me ty
Të afrohen sa më pranë
Bibliofobët që të lanë
Ndiej skulpturën sa shumë dridhet
E mëngjesin ti ma shemb
Kur provon të lëvizësh
E detit tim zemërak
Djep e varkë e valë ty të falet
Ty urtak unak i vatrës
UJANA E ZEZË
Shumë sirena
Mbi shkëmbinjtë
E Ujanës së Zezë
Prandaj vonë kthehet
I lodhuri marinar
Në Itakë
