[ Libra NëLinjë ]
Shkruan: Florim Zeqa, 07.04.2026
Familja dhe vendlindja vlojnë si vullkan në zemrat e mërgimtarëve. Kosova dhe Shqipëria janë shtëpia që e marrin me vete kudo dhe kahdo që shkojnë mërgimtarët.
Dashuri dhe mallkim!
Ne mërgimtarëve na mallkoj Zoti ditën që dolem nga shtëpia dhe shkuam në Dhe të huaj!
Por malli për atdhe nuk nuk na le të qetë as në gurbet!
Kahdo shkojmë vendlindjen e kemi amanet!
Na trazon shpirtin fati për vendlindjen tonë të dashur e të shenjt që po mbetet e shkretë pa bijt e vet!
Pa rini, pa shpresë për ardhmeri!
Edhe nga kjo situatë mjeruese dikush po përfiton!
Janë politikanët që ngrejnë dolli!
Pasi, sa herë që ju duhen votat na gjejnë edhe në gurbet të zi!
Kur vijnë në pushtet nuk na shikojnë fare me sy!
Për këto prapësi, nganjëherë me vjen të qesh, nganjëherë të qaj, por herën tjetër edhe të shaj e mallkoj veten për verbërinë dhe naivitetin që ma shkaktoj dashuria ndaj atdheut!
Politikanët që po tallen me ne mërgimtaret, në vendlindje nuk na duan dhe as nuk na respektojnë, per votën në mergim na kërkojnë!
Nga zemërgjerësia jonë perfitojnë!
Por gjithnjë, kur vijnë në pushtet na harrojnë siq i harrojnë qytetarët e varfër në vendlindjen tonë!
Mbushuni mend bashkatdhetarë, mos ju besoni tutje të njejtëve mashtrimtar që na vranë lirinë dhe ardhmërinë në vendin tonë, se edhe neve një ditë Zoti mund t’na mallkoj nëse këta horra me votë i ndihmojmë!
