UNË IA DI EMRIN

Autore:
Elife LUZHA

Shkëlqimin ma pate lakmi
Ndaj hapin ma godite
Me ngjyrë mavi blerimin
E deshe në pikturë
Dikur
Puhizë dashuria
Me vello ëndrrat nusëroi
Me zogun e blerimit
Vallëzova
Me fluturat
Demonit në radhë pre i isha
Te fushë vashërore
Që vetëm unë ia di emrin
Në zemër e ruajta sa kohë
Ti
Demonët radhite
Në vallen e shtrigave nudo
Duke spërkatur tokat e gurta
Me ngjyrë mavi
Unë eca
Drejt ditës nusërore
Vellon e zbukurova
Me kordele paqësore