[ Libra NëLinjë ]
Gani I. Mehmeti
Vuçiq i reagon Vjosa Osmanit: S’kemi angazhuar asnjë ushtar, s’bëhet asgjë pa e ditur SHBA dhe Kina.
Vallë, mund të shtrohet pyetja Vuçiqit se sulmi terrorist në Banjskë të Zveçanit paska qenë në konsultim me SHBA dhe Kinën!?
Kështu, me konsultimin e SHBA e Kinën qenkan plagosur edhe 93 ushtarët e KFOr-it në fund të muajit maj 2023 nga serbët në Zveçan! Sa butë flet, sa i “dëgjueshëm” është, sa komunikues e i lehtë është! Dhe, do mund të mashtroheshim prej tij, sikur të mos e njihnim mirë se kush është e si është.
Është për t’u çuditur se si këtë konsultim të tij, Vuçiq e gjuan tek Shtetet e Bashkuara të Amerikë si dhe tek Kina, duke injoruar Rusinë! Së fundmi, ai do mund të konsultohet për këto me Rusinë e Kinën, por jo edhe me Ameriken, sepse SHBA e kanë njohur pavarësinë e Kosovës.
“Nuk e kemi angazhuar asnjë ushtar, nuk e kemi nisur asnjë makineri, as nuk na shkon mendja, ne duam të punojmë, të ndërtojmë”, ka thënë Vuçiq më 12 korrik.
Por, si dihet prej kohësh, Vuçiqit nuk i pret sopata në një vend asnjëherë. Ai vazhdimisht është më dialog në gojë, por se asnjëherë nuk ka zbatuar marrëveshjet, e sidomos atë të Brukselit dhe të Ohrit 2023.
“Sa i përket Vjosa Osmanit, që kinse jemi duke u përgatitur për konflikte, këtë mëngjes e kam pasur një takim me përfaqësuesit më të lartë të Departamentit amerikan të Shtetit që janë duke e vizituar Serbinë… a mendoni që mund të bëhet diçka pa e ditur amerikanët dhe kinezët se çfarë po ndodh?”, ka pyetur Vuçiq.
Kështu përpiqet të arsyetohet kryetari i Serbisë, por atij nuk i besohet, tjetër deklaron, tjetër mendon e tjetër vepron. Ai e gjuan gurin dhe e fsheh dorën, por jo gjithherë, sepse ai pret në zyren e tij terroristin Radojçiq dhe e quan hero, pas sulmit ne Banjskë. Ai mbron dhe shpqll hero terroristët, sidomos kur është në pyetje ndaj shqiptarëve, nga që aq shume i urren.
“E theksova që Serbia mbetet e vendosur për ruajtje të paqes dhe stabilitetit, dhe që dialogun e shohim mënyrën e vetme për zgjidhje të çështjeve të hapura dhe për respektim të ligjit ndërkombëtar”, ka thënë Vuiq përmes një postimi në Facebook, duke përmendur se me diplomatin amerikan ka diskutuar edhe për situatën në Ballkan.
Duke e lexuar kështu, të bëhet sikur ai është njeriu më paqësor, se ai “nuk mendon” për luftë, se ai i “ik”luftës. Sikur është njëriu më miqësor, duke harruar se pikërisht ai me Serbinë, janë destabilizuesit në rajon, se, po të mos ishte Serbia destabilizuese në Ballkan, do të mbretëronte paqja dhe nuk do të kishte nevojë as edhe për bisedimet Kosovë – Serbi e më larg.
Beogradi zyrtar ka thënë se deklaratat e Osmanit janë “të rreme”. E nëse është kështu, atëhere ka gënjyer vetë Trampi, sepse Vjosa Osmani ka thënë mbasi këtë e ka deklaruar Presidenti Tramp, e nuk e ka thënë nga vetvetja pse ka mundur ta thotë Presidenti Trump, shkroi në rrjetin Social Truth më 15 qershor se gjatë mandatit të tij të parë presidencial, Kosova dhe Serbia po “shkonin drejt një konflikti serioz” dhe se lufta ishte në prag të shpërthimit, por se ai e ndaloi atë. /REL/, përcjell Bota Sot.
