Gani I. Mehmeti
Nuk e di përse me hamendjen time, po mendoja se nuk je nga Europa, por kjo nuk çon peshë aspak. Ka qenë një gabim imi, asgjë më shumë, e pranoj.
Por, ajo që më shtyri të shkruajë, vjen nga Raporti juaj të përgatitur rreth situatës në veri të Kosovës, që do ta jepni më 30 tetor, siç transmeton gazeta “Kosova Sot Online”, të dates 25 Tetor 2024 – 10:39.
Ne e dimë se të dhënat i merr nga UNMIK-u, që ende shtrihet në veri të Kosovës. Nuk mundem të ju mësojë se nga duhet t’i merrni raportet edhe ju, por për mua, disi, sipas asaj që lexova, nuk më duket krejt e drejtë. Ne duhet të flasim çka është e drejtë e çka jo, është diçka tjetër çka është e mundshme e çka jo. Por, edhe kur është e mundshme dhe i jipet apo shfaqet padrejtësia, është shumë më e rëndë.
Dhe, a di ku, sipas meje, është padrejtësia ?
Ju në raport shpreheni se shumë ngjarje në veri të Kosovës janë bërë në mënyrë të njëanshme nga ana e Kosovës. Është fakt, e pranoj.
Por, kam pyetjen tani ndaj jush: Deri sa Kosova paska vepruar në mënyrë të njëanshme, vallë, Serbia a ka vepruar në marrëveshje me organet shtetërore të Kosovës? Ajo a po e fuste dinarin në veri në bazë të marrëveshjes me Kosovën? Organet kriminale serbe në veri të Kosovës, a po vepronin në marrëveshje me organet e Kosovës apo me ato të Serbisë ?
Veriu i Kosovës, në rregull, kështu është. Por, veriu i Kosovës, është i Kosovës apo i Serbisë? Deri sa është veriu i KOSOVËS? Vallë, kush duhet të shtrijë pushtetin atje: Kosova, apo Serbia? Dhe, a ishte pyetur Kosova, a ishin vënë në marrëveshje me Kosovën apo me dikë tjetër? Ndoshta, të gjitha ato që ka ndërmarrë në veri të Kosovës, qenka bërë në marrëveshje me ju! Nëse qenka kështu, atëhere, në marrëveshje me ju, edhe të eleminohen të gjitha ato veprime kriminele kundër shtetit të Kosovës.
Serbët e Kosovës, nuk janë banorë të Serbisë, janë të Kosovës. Dhe, nuk ia japim ata serbë asnjëherë Serbisë, deri sa ata janë banorë të Kosovës. Natyrisht, nuk do ju mungojnë as të drejtat e tyre njerëzore dhe i kanë ato në nivelin më të lartë si pakicë në mbarë rruzullin tokësor. Shqiptarët, si shumicë, besoni, nuk janë aq të privilegjuar sa janë serbët në Kosovë.
Mirëpo, është një diçka tjetër këtu: Serbia nuk i lë të pajtohen me shtrirjen e sovranitetit të Kosovës në veri të Kosovës dhe ata, serbët, në vend se të integrohen në Kosovë, sipas porosisë së Vuçiqit, bashkëpunëtorit të ngushtë të Millosheviqit, nuk i lë të integrohen në roganet e Kosovës, me qëllim të pushtimit të veriut të Kosovës, dhe jo për serbët që janë këtu, por për pasurtië nëntokësore të Kosovës:
Prandaj, deri sa ju nuk pranoni që Kosova të shtrijë sovranitetin e saj në veri të Kosovës, po i bie sikur jeni ose bashkëpunëtorë të Vuçiqit ose i dominuar nga Vuçiqi, apo, nuk e di ndryshe si të them, përveç i shitur tek Vuçiqi. Ndoshta pak janë të rënda këto vlerësime, por më të rënda janë vërejtjtejt tuaja për Kosovën, deri sa Serbinë e përkrahni, që vazhdimisht luan me fatin e shtetit të Kosovës.
Zotëri sekretar i OKB, a thua, a nuk veproi Serbia njëanshëm që po lobonte kundër Republikës së Kosovës edhe pas Marrëveshjes në Bruksel dhe në Ohër, dhe kurrë, asnjëherë nuk iu tërhoq vërejtja, edhe pse kjo shkruan në marrëbveshjen e Ohrit: Kurrë në asnjë dokument e as traport nuk e keni futur këtë.
Vallë, a në bashkëpunim me Kosovën, Bërnabiq, shkroi letrën BE-së se Serbia tërhiqet nga ato pika ku shkruan përKosovën se duhet të anëtarësohet në organizatat ndërkombëtare, deri në OKB? Nuk di se ju keni ndërmarrë diçka, apo se e ekni cekur diku se edhe kjo si shumë tjera, ishin të njëanshme nga Serbia dhe se ishte ikje nga dialogu.
Këtu, e në shumë raste tjera, jeni treguar edhe i dobët edhe i padrejtë, zotëri sekretar. Dhe, kjo nuk çon ujë në përmirësimin e normalizimin e marrëdhënieve mes Kosovës e Serbisë, por përkundrazi, sepse kështu trimërohet Srbia kriminele dhe bëhet gjithnjë e më agresive, në veçanti ndaj Kosovës dhe ikje nga normalizimi i marrëveshjes mes këtyre dy shteteve, Kosovës e Serbisë.
Zotëri sekretar, Gjykata Ndërkomëtare e Drejtësisë, më 10 korrik 2010 dha të drejtën Republikës së Kosovës. Përse tani edhe ju nuk ia njihni këtë të drejtë Kosovës, përse, me e pa pëlqimin e Serbisë, nuk e pranoni në OKB Kosovën? Serbia ka qenë edhe kundër Republikave tjera të dala nga Jugosllavia që të anëtarësohen në OKB, por u anëtarësuan edhe pa lejen e saj. Përse nuk veprohet edhe me Kosovën në të njëjtën mënyrë?
Ju, as që i thoni Vuçiqit se Kosova është shtet i pavarur. Kjo është dashur të bëhet dhe duhet të bëhet. Sa më shpejt, aq më mirë, sepse ndoshta do të qetësohej Iliriku i dikurshëm, apo Ballkani i sotëm.
Është mirë ta korrigjoni RAPORTIN ndaj Kosovës, të bëheni i drejtë, sepse nuk iu kushton asgjë. Unë nuk po them të anoni nga Kosova, por as nga Serbia…
