Image source: YouTube screenshot
SARAH TAYLOR, 3 mars 2022 – TheBlaze.com – Përktheu Arben Çokaj
Melinda Gates kritikoi ashpër ish-bashkëshortin e saj Bill Gates në intervistën e saj të parë pas ndarjes – një diskutim me prezantuesin e “CBS Mornings”, Gayle King, ka raportuar Daily Mail.
Cilat janë detajet?
Gjatë intervistës, Melinda i tha King se takimi i saj i parë – dhe me sa duket i vetmi – me pedofilin e akuzuar Jeffrey Epstein e la atë të kishte makthe.
Miliarderja 57-vjeçare i tha King se ishte penduar menjëherë që takoi Epstein.
“Ai ishte i neveritshëm, i personifikuar i keq,” kujton ajo. “Unë pata ankthe për këtë më pas. Prandaj më thyhet zemra për këto vajza të reja. Kështu u ndjeva, dhe unë jam një grua më e vjetër. Ai ishte i tmerrshëm.”
Ajo tha se ia bëri të qartë Bill-it ndjenjat e saj për Epstein.
“Nuk më pëlqeu që [Bill] kishte takime me Jeffrey Epstein,” tha ajo. “Unë ia bëra të qartë këtë. Unë gjithashtu takova Jeffrey Epstein saktësisht një herë. Doja të shihja kush ishte ky njeri dhe u pendova që në momentin e dytë që dola në derë.”
Melinda gjithashtu u duk se sugjeroi se miqësia e ish-bashkëshortit të saj me Epstein kontribuoi në divorc.
“Nuk ishte një gjë, ishin shumë gjëra,” tha ajo kur u pyet nëse marrëdhënia Epstein shkaktoi divorcin. “Ndonjë nga pyetjet e mbetura në lidhje me marrëdhënien e Bill-it me të… ato duhet t’i përgjigjet Bill-it. E bëra shumë të qartë se si ndihesha për të.”
Bill ka deklaruar më parë se të qenit i përzemërt me Epstein ishte një “gabim i madh“.
Ajo sugjeroi gjithashtu që Bill kishte lidhje të shumta gjatë martesës 27-vjeçare të çiftit.
Melinda i tha King se ajo e kishte falur Bill-in për një aferë, që kishte ndodhur në vitin 2000, por tha se ai duhej të përgjigjej ndaj raporteve për afera të shumta.
“Këto janë pyetje që Bill duhet t’i përgjigjet,” tha ajo.
Ajo shtoi se pasi të jetë thyer besimi, është pothuajse e pamundur ta kthesh atë.
“Nuk ishte një moment apo një gjë specifike që ndodhi, erdhi një moment në kohë ku kishte mjaftueshëm atje sa ku kuptova se thjesht nuk ishte e shëndetshme dhe nuk mund të besoja atë që kishim,” pranoi Melinda.
“Unë i dhashë çdo pjesë të vetes time kësaj martese”, tha ajo. “Isha e përkushtuar që nga dita kur u fejuam deri në ditën kur dola prej saj”.
Melinda shtoi gjithashtu se ndërsa ajo dhe Gates nuk janë miq, ajo “i uron atij mirë”.
“Ne sigurisht kemi një marrëdhënie pune. Ne jemi miqësorë në këtë pikë,” shpjegoi ajo.
“Miqtë janë një fjalë tjetër për mua. Kjo mund të vijë me kalimin e kohës, por për mua ka ende një shërim që duhet të ndodhë. I uroj atij mirë. Sigurisht që nuk i uroj ndonjë të keqe.”
