[ Libra NëLinjë ]
Gani Mehmeti
Sonte, më 11 tetor 2025, ndeshen në lojën futbollit ekipet shtetërore i Serbisë dhe ai i Shqipërisë në Leskovc.
Kjo lojë e futbollit, si lojë e sportit, nuk po cilësohet vetëm si sport. Kjo shihet këso fare nga të dy shtetet, nga të dy popujt, nga të dy vendet.
Në lojën sportive lejohen simbolet kombëtar e ato sortive nga tifozët e secilit ekip.
Mirëpo, nga gjendja politike në të cilën jemi, nga urrejtja e fituar mes këtyre dy popujve prej kohësh, kanë kaluar caqet sportive, prandaj bëhet një luftë e madhe nga Serbia për të ndaluar paraqitjet kombëtare shqiptare nga tifozët e ekipit shqiptar, ndërsa nga Serbia paraqitet gjithçka kundër shqiptarëve.
Sikur të mbretëronte gjithçka vetëm në frymën sportive, nuk do të kishte nevojë të angazhoheshin 5 mijë forca policore serbe në Leskovc, një qytet i vogël në Serbinë e sotme, ku, sipas shkrimeve, nuk ka më shumë se shtatë deri tetë mijë tifozë gjithsej. Kjo do të thotë se, për pothuaj në 1,5 tifoz ka nga një polic të angazhuar.
Secili ekip, secili tifoz, secili banorë e secilit komb, dëshira për fitore nuk ndalet vetëm në dëshirë, por kalon në emocione kombëtare armiqësore për ta mundur ekipin tjetër.
Pra, kjo është një luftë jo vetëm sportive por edhe gjithçka tjetër për arritjen e fitores, ku janë të shfaqura inatet arrijnë deri në kulmin më të lartë armiqësor mes tyre.
Se kjo është kështu, është shfaqur edhe nga vetë Serbia e kryetari i saj, Aleksandër Vuçiqi, i cili nuk ka lejuar të zhvillohet ndeshja në ndonjërin nga stadiumet me dhjetëra mijëra tifozësh, me frikën se do të dridhet Serbia si nga tifozët serbë kundër gjithçkaje shqiptare, ashtu edhe nga tifozët shqiptarë.
Nga kjo mbetet të kuptohet se, mëkot një Edi Ramë përpiqet të mbajë krahun e Vuçiqit, kur popujt janë egërsisht të armiqësuar.
Pra, në lojën e sontme ka sport, luftë politike e armiqësi, por assesi miqësi as sportive as politike.
Kundërshtarë në lojëra janë edhe miq, shokë, kombe, shtete me marrëdhënie të shkëlqyera. Këta, secili e secila përpiqen gjatë lojës të fitojnë, por pas lojës mbesin prap në marrëdhëniet e mëhershme. Kjo, mund të themi se, edhe në lojërat serbo-shqiptare, janë sportive, politike e armiqësore, prandaj, si të tilla janë edhe para ndeshjes, gjatë ndeshjes dhe mbesin armiqësore edhe pas ndeshjes.
Shih për këtë, fitorja e secilit ekip, trajtohet si fitore në tëgjitha këto që u thanë.
Normal, uroj fitoren ekipit të Shqipërisë, për të cilin është folur e shkruar shumë dhe jemi në pritje!
FITORE SHQIPËRI!
