Gani I. Mehmeti
Me shkas…
Pas nënshkrimit të peticionit për largimin e kryetarëve të komunave në veri të Kosovës, Komisioni Qendror Zgjedhor i Kosovës, do të ishte mirë që të merret me ligjin zgjedhor për ata që duan të kandidohen, se ata do të zbatojnë ligjin dhe do të vendosin simbolet e Ksovës nëpër të gjitha qendrat dhe objektet publike komunale.
Nëse nuk ka një ligj që ndalon politikën armiqësore brenda shtetit – kundër shtetit, le ta bëjnë ligjin më pare e pastaj të shpallen zgjedhjet.
Unë nuk di si është e përcaktuatr me ligj se çfarë obiligimesh kërkohen nga partitë politike në Kosovë, për të qenë ato të regjistruara dhe për të vepruar brenda Kosovës.
Megjithatë, me sa më merr mendja, duhet të ketë rregulla e ligje. Nuk mundet të funksionojë një parti politike në Kosovë dhe të jetë kundër Kosovës. Kjo do duhej të përcaktohej me ligj. Kur përcaktohet kështu, secila parti që shkel ligjin mund të largohet dhe të çregjistrohet si parti politike brenda Republikës së Kosovës. Kjo, besoj është edhe në çdo shtet tjetër. Parti armiqësore dhe të funksionojë brenda sistemit republikan haptas, nuk duhet të lejohet. Ato ilegale, dihet se ndiqen nga prokuroria, por edhe këto do duhej të kishin të njëjtin fat.
Prandaj, unë nuk shoh të drejtën e një partie politike, siç është Lista Serbe, që të funksionojë brenda Kosovës dhe të këshillohet e të marrë detyra nga Vuçiqi drejtpërdrejt për defunksionalizimin e Republikës së Kosovës! Kjo është për mua e pakuptueshme dhe duhet të jetë e kundërligjshme. Do të ishte diçka krejt tjetër kur ata bisedojnë, trajtojnë e shqyrtojnë vetëm për të drejtat e serbëve në Kosovë, por pa e cënuar integritetitin e Republikës së Kosovës. Dhe, edhe të paguhen nga Qeveria e Kosovës, kjo është përtej normales.
Secila parti do duhej të ketë statutin e saj ku përmes saj nuk guxon të sulmohet e as të rrezikohet sistemi ligjor brenda Kosovës. Në statutin e secilës parti do duhej të cekej se ato duhet të kenë edhe simbolet e Kosovës, pra stemën e flamurin e Kosovës. Këto simbole duhet të jenë të pranishme edhe brenda e jashtë të çdo objekti publik nëpër të gjitha komunat e Republikës së Kosovës, si në shkolla, gjykata, komuna, çerdhe, entet parashkollore e çdo objekt tjetër publike.
Ne me sa pamë, këto asnjëra nuk kanë qenë të pranishme e të vendosura në komunat veriore, sepse pamë që tek me vendosjen e kryetarëve shqiptarë, u vendosën edhe simbolet e Republikës së Kosovës në to. Nuk guxon të bëhet një lëshim i tillë më.
Duhet të jetë dikush kompetent që do të përcjellë këto të gjitha, dhe po nuk u zbatuan së vendosuri simbolet e Kosovës, do duhej të merren masa, sipas ligjit. Nëse asgjë tjetër, të mbyllet ai objekt publik I çfarë do natyre të jetë.
E di se në të kaluarën nuk janë zbatuar këto, pse kanë ndërhyrë ndërkombëtarët, duke menduar se serbët gradualisht do të integrohen, por që ata tek sa shkonin duke u ç’integruar. Kjo tani është parë se ata ishin kundër Republikës së Kosovës dhe asgjë askush nuk ndërmirrte. Tani duhet të mos lejohet më asnjë veprim kundër shtetit. Secili që pranon shtetin e Kosovës, mundet edhe të zgjedhet edhe të punojë edhe të jetjë në të i lire, por jo edhe ata që janë kundër shtetit.
Me këtë, po e ceku edhe një here, duhet të merren organet kompetente, të cilat nuk e shoh të arsyeshme t’i numërojë, pse besoj se dihet cilat janë ato.
Për këtë do duhej të informohen edhe ndërkombëtarët dhe të binden se, atë çka ata vetë nuk e lejojnë në shtet e tyre prej nga vijnë, nuk mund ta kërkojnë as për Kosovën që të tolerohet më. Mjaft ishte.
Për këtë do duhet të infoirmohen edhe të gjithë kandidatët për kryetar të komunave në veri të Kosovës. Është mirë t’u përkujtohet se më nuk do të tolerohet e keqja kundëlr shtetit.
