[ Libra NëLinjë ]
Avdush CANAJ
Edhe trotuaret i zë gjumi
ëndërrojnë këpucët e shiut
hapat e ditës me nota muzikore
një sandale zogu
të rënë nga krahu i pemës
t’ia kthej nesër në ag të ditës
edhe ndonjë gjeth ëndërrojnë
që shkruan tregime me vesë
për taket që këndojnë
kur ngutën për në punë.
Zgjohen herët trotuaret,
para kamionit të fsheshës
të mos ua marr ëndrrat nën jastëk.
