[ Libra NëLinjë ]
Vështrim
Skënder MULLIQI
Zgjedhjet lokale në Kosovë janë përpara nesh, dhe priten propaganda të ndryshme, premtime të ndryshme, dhe gjithçka që na pret para çdo zgjedhjeje tashmë. Deri tash pamë se nuk ka shumë rregulla sjelljeje dhe asgjë nuk mund të na habisë më. Për vite me radhë, elektorati është bombarduar me premtime të ndryshme që në shumicën e rasteve nuk janë realizuar. Situata politike ka qenë në një gjendje të vazhdueshme stanjacioni gjatë njëzet viteve të fundit dhe e gjithë kjo ka ndikuar që shumica e votuesve të kenë një pikëpamje armiqësore për të shkuar në votime, veçanërisht të rinjtë. Në këtë drejtim, ata që janë të gatshëm të shkojnë në votime janë vetëm popullsia më e moshuar dhe të gjithë ata që kanë disa përfitime përsonale.
Se shumica mendojnë së zgjedhjet lokale dhe fituesin e zgjedhjeve e përcaktojnë interesat përsonale. Dhe, kjo logjikë e daljës në zgjedhje ka bërë që të shfaqët dilema së për kënd të votohet. Të votohet për ata që keqpërdoren pozitat duke vjedhur pa karar paratë e qytetarëve. Të votojmë për ata që e kan mbajtur shoqërinë në një gjendje stanjacioni ? Janë ata që ushqejne të njëjtin sistem për perfitime përsonale, Dhe nga gjendja jo përmirësuese në të mirë të qytetarëve, dhe më logjikën së nuk mund të ndryshojnë asgjë, sigurisht së edhe në zgjedhjet e tetorit nuk do pritet dalje masive në zgjedhje. Këtu duhet sigurishtë përmendur edhe faktin së një pjesë e madhe të rinjve kan ikur jashtë Kosoves.
Njerëzit janë demoralizuar nga kreret e strukturave të caktuara politike, të cilët kan stagnuar preceset shoqërore dhe politike, duke zgjedhur vazhdimisht të njetat opcione politike. Ky do të jetë indikatori shtesë të mos daljes në zgjedhjet locale të tetorit. Mendimi im është se dalja masive në votime, mund të ndryshon ndjeshëm gjerat në frontin zgjedhor dhe situatën politike, duke mos i votuar ata që për një kohë të gjatë qëndruan në pushtet, dhe pak hajr bënë, veq u zhytën thëlllë në hajni, korrupcion dhe nepotizma gjatë punësimit. Kjo logjikë e sundimit jo vetëm në ushtrimin e pushtetit lokal, por deri në atë qendror, e ka mbajtur shoqërinë e Kosovës largë përparimit.
Për pjesën më të madhe, shkuarja në votime mund të duket si një hap i vogël, ose humbje kohe, por të paktën e dimë se u përpoqëm të bënim diçka kundër kësaj gjendjeje në shoqëri.Duhet gjithësesi potencuar edhe diçka tjetër shumë të rëndësishme për shtetndërtim dhe mirëqenje të përgjithshme. Shumica e të rinjve në Kosovë janë të zhgënjyer, të frustruar dhe të tradhëtuar për shkak të situatës jo të mirë në të cilën ndodhet vendi. Ka një gjendje jo të mirë në shumë sisteme, duke filluar nga arsimi, shëndetësia, kultura, media, përmes korrupcionit dhe nepotizmit, deri intoleranca dhe diskriminimi në shoqëri.
Dhe, të gjitha këto edhe bënë që shumica e të rinjeve u larguan nga Kosova. Ky trend negativ dhe shqetësues për të ardhmën e shtetit të Kosovës dhe kombit përgjithësishte, sipas të gjithë treguesve mund të vazhdon për një kohë të gjatë, kur dihet për demoralizmin që sollën edhe lojërat e ndyta politike për 6 muaj radhazi në Kuvendin e Kosovës. Këto fenomene kanë ndikime shumë negative në jetën e çdo përsoni, veqenarishtë të te rinjve që në vitet më të mira të tyre po përballën me një gjendje të paqendrueshme psikologjike dhe humbje të motivimit. Pavarësisht papunësisë së lartë dhe punësimit në baza partiake, praktika ka treguar se njerëzit këmbëngulës dhe ambicioz, kanë një shans shumë më të lartë për të ndryshuar gjendjen për të mirë në Kosovë.
Disa nga arsyet për pasivitetin e të rinjve janë mungesa e kohës së lirë, aktiviteteve të tjera, ndikimi i prindërve dhe mungesa e interesit. Nuk po kan hapësirë shumë ku t’i paraqesin temat e problemeve që ekzistojnë. Ishte dashur të kën hapësirë në media si vend dhe rast i mirë për të elaboruar problemet më të cilat të rinjet po përballen. Gjithashtu një rol të veqantë e kan edhe organizatat e ndryshme jo qeveritare, për të inkurajuar lëvizshmërinë dhe aktivitetin e tyre.
Mendimi se të gjithë politikanët janë të njëjtë dhe se ndryshimet janë të pamundura janë paragjykimet më të zakonshme që ekzistojnë në shoqëri. Nga njëra anë, një sërë rezultatesh të zgjedhjeve të kaluara kanë treguar se kjo është kryesisht e vërtetë, por nga ana tjetër, nga pikëpamja e një të riu, kjo është mjaft e keqe. Të rinjtë duhet të jenë ata që nuk do t’i lënë gjërat në dorë të rrethanave, por do të japin kontributin e tyre në ndryshimin përfundimtar. Pakënaqësia me qëndrimin e qeverises duhet të sanksionohet, dhe zgjedhjet janë një nga mundësitë më të mira, më të drejta dhe më demokratike për këtë.
