TIVAR

Rumia kërcënon me thepat e saj të mprehët,
Thika të përgjakuna.
Shpërthen mllefi shoven serb
Nëpër krisma mitralozash.
Tivari i përhimët
Bahet i kuqrremët.
Deti i paanë skuq ballin
Me lumin e gjakut kosovar.
Peshkaqejt e pangishëm nëpër shekuj
Mprehin dhe thejnë dhambët
Në eshnat e herojve.
Herojve të rrëmbyem në mirëbesimin e të pabesëve,
Nëpërmes kanalit të nëndheshëm.
Kosova me lotët e dhimbjes
Krypte gjakun e derdhun.
Nën gurin e rënkimit
Bluente shpresat për të ardhmen.

Shkëputur nga libri “Heroizëm i Bardhë, Tradhti e Kuqe” i Ymer Adem Llugaliut.
Përgatiti për botim: Arif Ejupi