[ Libra NëLinjë ]
Arben Çokaj
Alma Lama është një politikane dhe diplomate shqiptare në Kosovë, e cila ka treguar aftësi dhe dituri në kryetjen e punëve. Ajo ishte me LVV-në derisa Albin Kurti flirtoi për hir të pushtetit me qarqet islamike. Se si e sa, Alma duhet ta dijë më mirë. Me Almën kam një miqësi të hershme dhe e vlerësoj për kontributin që ka dhënë e jep!
Kurtin unë e kritikoja kur Rama përpiqej të na afronte me serbët përmes Ballkanit të Hapur. Më dukej ide e mirë dhe u dalldisa si Partizan Cene. Por në fund doli që Albini që e kundërshtonte këtë projekt serb kishte të drejtë. Dhe unë e kuptova se Rana luan me rrezikun, është i papërgjegjshëm dhe harxhon paret e shqiptarëve me miliona Euro për qokat e tij aventureske!
Kur bëhej fjalë për zgjedhjen e Presidentit në Kosovë, Alma ishte deputete dhe nuk votoi, ose më saktë e bënte votën e saj të pavlefshme duke shkruar se: Unë duan një grua Presidente. Por parlamenti zgjodhi Hashimin dhe Almën e akuzuan sikur ia kishte dhënë votën atij edhe pse kjo nuk ishte e vërtetë.
Është jashtë aftësisë sime të ndërhyj mes Almës e Albinit për t’i ndërmjetësuar, se Albinin nuk e njoh personalisht dhe kuptohet se ata i dinë vetë punët e veta. Por jam i sigurtë se Alma sot mund të ishte ministre e kabinetit Kurti, nëse ajo do të ishte ende në atë parti, nga e cila u largua për arsye parimore!
Ka disa kohë që unë mbështes kryeministrin Kurti, të cilin e vlerësoj si politikan të zgjuar dhe e vë pas Rugovës në grupin e drejtuesve të Kosovës që kanë dhënë e po japin kontribut në Kosovë!
Unë ia dua të mirën Kosovës dhe duke u nisur nga vlerësimi në distancë, i lë disa detaje mënjanë nga mosnjohja e tyre dhe bëj një vlerësim të përgjithshëm në atë që duket.
Unë mendoj se Kosova po qeveriset më mirë se Shqipëria e Serbia, dhe Albini po e drejton Kosovën më mirë se tjerët para tij. Kjo nuk dmth. se nuk ka të tjerë që mendojnë ndryshe, ndër ta edhe Alma.
Një tjetër aspekt, që ka ndikim mbi ne e botën është edhe politika Amerikane. Si shqiptarë, që jemi neihmuar shumë nga ai vend i madh, i fuqishëm e demokratik, e vetmja superfuqi në botë, ne duhet ta kemi mirë me secilin President që populli amerikan zgjedh!
Ata kanë zgjedhur Trumpin dhe mua më duket se ai po punon mirë për interesat e Amerikës edhe pse dikujt i duket keq, ose jo mirë! Pra, unë mbështes Kurtin e Trumpin derisa të shoh se ata punojnë keq e nuk kam arsye morale për t’i përkrahur. Dihet se përkrahja ime nuk luan fort rol për ta, por kur njeriu diskuton për gjërat, ke ndikim të madh apo jo, ti mban qëndrimet e tua!
Në këtë kontekst, tani, me Almën e vë re se ajo shpesh shprehet kundër politikës së Trump e kjo më ka bërë habi se ajo e njeh mirë politikën ndërkombëtare, por duket se është e ndikuar nga rryma e masmediave liberale. Por Trump është president, nuk mund të injorohet roli i tij, na pëlqen apo jo. Ne nuk mund të prishemi me Amerikën për hir të Ukrainës, që nuk e njeh as Kosovën, apo jo?! Just saying that.
Ndërsa Kurtin Alma e godet më rëndë e unë mendoj se këtu ndikojnë disa faktorë: marrëdhënia e saj personale me Kurtin, ikja nga LVV, sulmet e shpifjet që asaj iu bënë pasi iku nga Lëvizja, etj.
Por ta krahasosh Kurtin me Hitlerin apo Millosheviqin kur Kurti mundet se e shkelë neonjëherë, më duket përtej reales. Prandaj edhe kam reaguar ndonjë herë me komente në postimet e Almës duke treguar se nuk jam në një mendje me të, sa i përket politikave të Trump e të Kurtit. Se unë ia dua të mirën Amerikës e Trump po punon në atë drejtim, ashtu edhe Kurti pavarësisht defekteve e kritikave po punon për integritetin e sovranitetin e Kosovës më mirë se tjerët para tij. Dhe unë nuk jam për t’u tallur me këtë punën e sovranitetit, si tallet Ibrahim-Miran Kelmendi, ‘sovranist’.
Për fund, Almës iu bë ëndrra realitet, ajo po e sheh Kosovën me Presidente, një zonjë e nderuar si Vjosa Osmani. Por cili ishte mendimi i Almës për kandidatet gra për kryetare Kuvend, që nuk i pranoi opozita: Albulena Haxhiu e Donika Gërvalla?! A bëri mirë opozita që për 6 muaj e bllokoi konstituimin e Kuvendit për të zgjedhur në fund një kandidat si Dimal Basha, i cili po nxjerrë në dritë disa hije të errëta, të bashkëpunimit të tij me qarqe anti-shqiptare. Pse na dalin ne në dritë këta bashkëpunëtorë të anti-shqiptarizmit?! Ku është defekti?!
A ishin më mirë të zgjidheshin Albulena apo Donika apo që u zgjodh Dimali? Çfarë komenti ka Alma për këtë meqë është edhe mbështetëse e grave?! Se nuk kam parë ndonjë pronomcim të saj, edhe pse ajo mund ta ketë komentuar këtë çështje.
Ajo që më trishton me politikën shqiptare është se ne i japim shumë rëndësi e peshë zënkave të brendshme mes njëri-tjetrit e harrojmë se në këto raste nëse nuk përfiton gjithmonë armiku, përfiton i ligu! Të mosmarrëveshjet tona kryeneçe duket se flen djalli. Këtë nuk duhet ta harrojmë!
