Jusuf Buxhovi
Për krijuesin, hapësira kulturore shqiptare, ndonëse në kuadër të dy shteteve (Shqipërisë dhe Kosovës), me tërësinë e saj identitare, tejkalon kornizat politike. Janë veprat letrare, të shkruara në Shkup, Tiranë, Shkodër, Prishtinë, Gjakovë, Gjirokastër, Vlor, Ulqin e gjetiu, që qenies së përbashkët ia krijojnë amalgamin e përhershëm gjithëpërfshirës, ku veçoritë e gjeografisë shpirtërore kthehen në pasuri të saj, që si vlera, përjetohen njësoj…
Në vitin që po e lëmë, i tillë ishte edhe rrugëtimi i veprave të mia nga Shkodra nëpër Lezhë e deri në Tiranë i shoqëruar me takime të paharrueshme me miq të pendës (Besnik Mustafajn, Zija Çelën, Mimoza Ahmetin, Alda Bardhylin, Rexhep Shahun, Izet Durakun, Mujo Buçpapajn e shumë të tjerë), që bashkarisht i takojmë letërsisë shqipe…
