E VËRTETA DHEMB, POR ËSHTË DHIMBJE FITIMPRURËSE NËSE VEPROJME ME KOHË!

1
Kumrie Shala

Pse duhet të friksohemi ta themi të vërtetën?

Kumrie SHALA

Sa më shumë që heshtim për të vërtetën, aq më shumë shkojmë drejt gërmadhës. Nuk kam thënë kot se e vërteta dhemb, dhe është më mirë të kesh dhimbje një herë, sesa të dëmtojmë një shoqëri të tërë duke gënjyer veten dhe të tjerët. Nëse duam të kemi një shtet të fortë, një parti të drejtë, një arsim cilësor, një shëndetësi të qëndrueshme, një ekonomi funksionale, një bujqësi të zhvilluar, turizëm të suksesshëm, dhe përparim shkencor, e para gjë që duhet të dimë është: a e njohim ne atë fushë? A kemi profesion? A kemi të drejta legjitime? A jemi të saktë? A jemi profesionistë në atë fushë?

Kur të kemi përgjigje për këto pyetje, atëherë mund të vazhdojmë me zgjidhjen. Për një jetë të shëndetshme, duhet të lirohemi nga pararagjykimet dhe të themi të vërtetën, sepse heshtja apo emërimi i gabuar nuk janë zgjidhje. Duhet të kalojmë nëpër faza jetësore dhe të mos kemi frikë t’i themi gjërat ashtu siç janë, për të mirën e familjes, shoqërisë, shtetit dhe kombit. Nëse udhëhiqemi nga egoja, lakmia, karrierizmi, një ditë do të dështojmë. Si familje dhe shoqëri, nëse nuk e kuptojmë këtë, do të arrijmë në zhgënjim total.

Dua të citoj një shprehje të prof. Rapsodit të folklorit shqiptar, Muhamet Morina, i cili thotë gjithmonë: “DEMOKRACIA VRET.” Vërtet, demokracia vret kur nuk dimë ta kuptojmë thelbin e saj. Kur nuk arrijmë ta ndajmë të mirën nga e keqja, kualitetin nga sasia, dashurinë nga urrejtja, lakminë nga dëshira, kënaqësinë nga egoizmi, paftësinë nga profesionalizmi, pozitat nga opozita, etj.

Ajo që është e re ka një rregull në vetvete, dhe nëse nuk arrin ta mësosh, do të dështosh. Frika nga dështimi që krijohet kur fshehim të vërtetën për një kohë të gjatë, formon dhimbje dhe lë pasoja në familje dhe shoqëri, duke dëmtuar politikat e shtetit në tërësi. Prandaj, durojeni të vërtetën, pavarësisht se sa e hidhur mund të jetë!

Dërgoi për publikim Skënder Mulliqi, gazetar

1 KOMENT

  1. Tri gjëra janë të vështira në jetë:
    1. Të dëgjosh,
    2. Të shohësh,
    3. Të heshtësh
    Mirëpo, qendrojnë tri gjëra tjera për të cilat duhet ta duam jetën, e ato janë:
    1. E vërteta,
    2. Liria, dhe
    3. Vyrtyti

K O M E N T E

Ju lutem, shkruaJ komentin tuaj!
Ju lutem, shkruaJ emrin tuaj këtu

This site uses Akismet to reduce spam. Learn how your comment data is processed.