Fotoja: Shtëpia e Fehim Zavalanit, ku u mbajt Kongresi i Manastirit në 14-22 nëntor 1908. Që nga nëntori 2012, Muzeu i Alfabetit Shqip
Doriana Musai
Manastiri çdo vit, më 22 Nëntor feston Ditën e Alfabetit shqip.
Përhumbur mes trojeve të mbetura jashtë Republikës, i njohur ndryshe edhe si Bitola, qyteti po humbet identitetin e tij shumë domethënës për shqiptarët kudo ndodhen, gjuhën shqipe. Shkollat shqipe janë drejt mbylljes totale, dhe çdo ditë e më pak shqiptarë identifikohen me gjuhën.
Pas humbjes, djegies, vjedhjes dhe shkatërrimit të trashëgimisë materiale në këto vite që nga 1913; harresës etnografike dhe asaj pjese të kulturës së pashkruar, si zanatet, mjeshtëritë apo qëndistaritë, shqipja duket se është po aq në rrezik zhdukjeje. Kompjuterizimi po zhduk ë dhe ç, ndërsa brezat sa vijnë, shkruajnë më pak në shqip.
Iniciativa e studentes shqiptare, lindur e rritur ne Shkup për të ndërtuar bibliotekën e parë të gjuhës shqipe në Manastir, në 115 vjetorin e Kongresit, duhet të lexohet si kumt përtej disa librave. Kontributi i gjithësecilit për një, dy apo qoftë një kolanë me libra, për të themeluar bibliotekën e parë shqipe, të parën e llojit të saj, është ndoshta vepra më e madhe mbarëshqiptare e ndërmarrë që pas tërmetit te 26 Nëntorit.
Ftoj gjithësecilin nga miqtë e mi, të dhurojnë një libër shqip për Bibliotekën e Manastirit dhe në muajin mars të dëshmojnë themelimin e saj në Manastir të Maqedonise së Veriut.
Për kontak në Tiranë, Emira Selimi ideatorja dhe nismëtarja e vetme i këtij akti, që ka marrë përmasat e një misioni patriotik, ka Adriatik Kurtin, i cili është mëse i predispozuar të mbedhë për të Shqipërisë, e ndërsa Gresa Sefaj është kontakti pēr Kosovën.
Për më shumë informacion Emira vetë ju rrëfen në këtë intervistë sot.
Kliko Watch on YouTube për të parë videon e Shqiperia Live,
intervistë me Ermira Selimin.
