Gani I. Mehmeti
Përkitazi me njohësin e sigurisë në Kosovë, Bedri Elezi, që thotë se Vendosja e kryetarëve në komunat veriore e ka minuar sigurinë e vendit.
Vendosja e kryetarëve në këto katër komuna të veriut të Kosovës nuk ka qenë emërim nga lart, as illegal, as I jashtëligjshëm. Ata ishin të zgjedhur me vota, pa marrë parsysh sa kishin dale në zgjedhje dhe sa vota kishin marrë. Këta nuk ishin as komandantë, as gjeneralë për t’i emëruar dikush siç bëhet në ushtri. Këta ishin të zgjedhur, dhe përveç tjerash, zgjedhjet ishin të pranuara edhe nga vendorët edhe nga ndërkombëtarët. Kryetarët nuk ishin vendosur krye më vete, por krejt në mënarë të ligjshme.
Siguria në komunat veriore të Kosovës ka qenë e minuar prej pas luftës, prej kur u ndoqën diku 15 mijë shqiptarë nga veriu I Kosovës. Ajo ka qenë siguri e gënjyer, jo siguri reale apo e vëretetë edhe pse ishin police serbë nga këto komuna me shumicë serbe. Ata police ishin të dalë nga grupet kriminale të veriut të Kosovës dhe nën dirigjimin e Vuçiqit, që po zbatonin urdhërat e Vuçiqit dhe jo të Qeverisë së Kosovës.
“Vendosja e katër kryetarëve në veri e ka minu sigurinë në katër komunat veriore dhe si rezultat i vendosjes së katër kryetarëve të komunave atje ne kishim edhe destabilizim të Rajonit dhe kishim një, mund të themi një ripozicionim të forcave ndërkombëtare në mbështetjen e Kosovës për të ardhmen e Kosovës. Me këtë pajtohem saktësisht. Ndërsa, përpjekja e institucioneve të Republikës së Kosovës për me tregu se ne po bëjmë qeveri lokale atje, e ka destabilizu vendin”, shkruan Elezi në “Bota Sot”.
Kjo thënie disi nuk përkon me realitetin, se siç dihet asgjë nga sovraniteti i Kosovës nuk ishte e pranishme në veri. Kjo do të ishte e rrezikshme sikur ta thoshte dikush nga serbët dhe do duhej reaguar e demantuar, jo ta thotë dikush nga njohësi i sigurisë së Kosovës, për çka duhet të jemi shumë të matur kur ne themi dhe shprehemi publikisht për marrëdhëniet dhe gjendjen ne veri të Kosovës, që të mos çojmë ujë në mullirin e huaj.
Vendosja e katër kryetarëve në katër komunat e veriut të Kosovës nuk e minoi sigurinë e Kosovës e as të rajonit. Atë e gjetën të minuar, ajo ishte e minuar dhe përpiqet ende të minohet nëse nuk reagohet. Në veri të Kosovës nuk kioshte asgjë të Kosovës përveç njerëzve dhe tokës, por frymonte gjithçka serbe e asgjë kosovare, asnjë simbol, asnjë shenj të Republikës së Kosovës nuk kishte në këto katër komuna, përveç flamujve serbë me shumicë.
