[ Libra NëLinjë ]
Pranë banesës tënde të fundit
Oh, Mimi!
Malli më erdhi si dallgë deti
Për një fjalë…
Thekshëm m’u përgjigj amshimi:
„Prej këtu krejt e ka në zap
Mbretëria e heshtjes
Këtu asgjë s’ka kufi
Edhe nëse takohet Toka e Qielli
S’ka dhembje, lutje e britma
Nuk ndodh kataklizma…
Netët dhe ditët
As vitet dhe shekujt
Kurrë nuk e gjejnë mbarimin”
Mbetet jashtë orbitës
Vetëm rrugëtimi jetësor
Nuk është meteor
Shpirtmiri Ngadhnjimi Ynë:
Fytyra jote nuk i frikësohet pasqyrës
Dy Yje vazhdojnë lozën tënde të jetës
Na mbete oqean kujtimesh
Me atë qetësinë e qiellit
Pa re të zeza…
Vdekja s’qenka fundi
Oooo, Ngadhnjim Ngadhnjimtari!
Herticë-Besianë,
24 qershor 2026
Dërgoi për publikim, Arif Ejupi, gazetar
