Anna Luhrmann
Gani I. Mehmeti
Ministrja e Gjermanisë për Evropën dhe Çështjet Klimatike Anna Luhrmann shkroi në Instagram pasi Qeveria e Republikës Serbe e shpalli persona non grata:
“Sot isha në Banja Lluka, në Bosnjë dhe Hercegovinë. Është një qytet i bukur me njerëz të mrekullueshëm. Njerëzit që takova atje më pranuan ngrohtësisht. Kam pasur një sërë takimesh të shkëlqyera me shoqërinë civile dhe opozitën. Aktivitetet secesioniste të Dodik janë të papranueshme.
Në fund të programit tim në Banja Lluka, Dodik përsëri tregoi qasjen e tij destruktive. Përfaqësuesit e tij më kërcënuan me dhunë mua dhe delegacionin tim. Kjo është një shenjë dobësie. Dodik është gjithnjë e më i izoluar dhe nuk ka mbështetje nga qytetarët e Republikës Serbe.” (Bota Sot, më 4. 4. 2025)
Tani mos u çuditni. Për sa kohë që qenë “ndërmjetësues” në bisedimet Kosovë – Serbi Borell dhe Lajçak, ata kanë prëgatitur terrenin tek serbët edhe për kërcënime, edhe për persona nongrata ndaj të gjithë atyre që mendojnë ndryshe nga sa mendojnë serbët, qoftë në Serbi, qoftë edhe në Repuublikën Serbe.
Atyre u janë mprehur brirët dhe duhet pasur kujdes tani. Ata, përveç që e kanë Rusinë me vete, kishin edhe Bashkimin Europian këto kohët e fundit. Serbët kanë matur pulsin edhe me gjithë bashkësinë ndërkombëtare, nga lëshimet që u janë bërë, ata nuk durojnë të thuhet e të veprohet ndryshe nga ajo që ata vetë e kanë në kokat e tyre.
Mbani mend, kur ushtarët e KFOR-it u rrahën, u plagosën ngha serbët, pse ndërkombëtarët, prirë nga Borell e Lajçak, pas zgjedhjeve, po pengonin kryetarët e kiomunave të shkonin në zyre, në ndërtesat komunale.
Kërcënimet e Dodikut janë kërcënime edhe nga Vuçiqi. Pa Vuçiqin, Dodiku nuk do të kërcënonte. Prandaj kujdes të kini. Lufta e Parë Botrërore ka nisur këtu, në Bosnje, po nga serbët. Ata kanë të “drejtë” të kërcënojnë, kanë të “drejtë” edhe të vrasin dhe askujt asgjë!
Më 10 shtator 2003, Ministrja e Jashtme e Suedisë Anna Lindh u godit me thikë në Stokholm nga një kriminel serb.
Në maj të vitit 2023, 92 ushtarë të KFOR-it në Zveçan u rrahën e plagosën nga bandat serbe me urdhër të Vuçiqit, dhe nuk u dënua askush prej tyre, e në vend të tyre BE-ja dënoi me masa Kosovën, pse ishte “drejtësia” e Borellit dhe Lajçakut. Tani, të trimëruar nga ngjarjet e mëparme, jo vetëm që kërcënojnë, por mund edhe të vrasin këdo e kudo.
Dhe, kur iu vunë masat Kosovës, nuk po kërkohej konsensusi se duhej të ishin të gjitha shtetet e BE-së për masa, por vetëm shumica: tani, kur kërkohet të heqen masat, shkon me konsensus, duhet të pajtojnë me radhë të gjitha shtetet e BE-së!
Po, nejse, desha vetëm të tregojë padrejtësinë dhe dënimin e të pafajshmit, ndërsa i fajshmi vazhdon me fajet e tij, me shpresë se nuk do të dënohet edhe tani.
Prandaj, edhe kërcënoheni, mos o Zot, mund të ndodhi gjithçka prej tyre, sepse janë lazdruar prej të parëve tuaj nga BE-ja.
Ne jemi mësuar me padrejtësira që nga viti 1878 e më përpara. Vazhdimisht u është dhënë krahu serbëve nga Europa, duke u dhënë trojet tona etnike, pse ata qenë treguar si më barbarët ndaj shqiptarëve, për çka edhe sot e kësaj dite na urrejnë sa, do të kënaqeshin vetëm me zhdukjen e shqiptarëve dhe vetëm atëherë do të ndjeheshin të lirë, pse nuk do të kishte kush u reziston më dhe pse ne jemi në tokën tonë, jemi në të drejtën tonë, për çka ka shenja se edhe Europa me SHBA kanë parë kohët e fundit dhe shpëtuat popullin shqiptar të Kosovës nga gjenocidi shovenist serb në vitin 1999, për çka u jemi mirënjohës…
Serbisë dhe serbëve u janë bërë shumë lëshime, prandaj tani, ata nuk pajtojnë me drejtësinë, duan të jenë përmbi drejtësinë, duan të jetojnë në këto hapësira vetëm ata!
Serbët janë destabilizuesit e paqës në Ballkan dhe në Europë. Nëse edhe më tutje i përkrahni, vështirë do të jetë të ketë paqe.
“Qeveria e RS-së e shpall Anna Luhrmann persona non grata në Republikën Serbe dhe urdhëron Ministrinë e Brendshme që ta përcjellë jashtë kufijve (të entitetit) pas hyrjes në territorin e Republikës Serbe”, thuhet në deklaratë e shpalljes së ministres gjermane person të padëshirueshëm.
Pasi u shpall persona non grata, Luhrmann anuloi takimin në Banja Lluka me liderët e partive opozitare.
Po e përsësrisë edhe një herë se, krejt këto janë shkak i lëshimeve ndaj serbëve nga e BE-ja e mëparshme, se u besonin Borellit dhe Lajçakut.
Gjermania u dënua rëndë pas Luftës së Dytë Botërore, ndërsa Serbia, përkundër bombardimeve të NATO-s në vitin 1999, ajo u përkëdhel pas luftës, në vend se të dënohej e të paguante të gjitha dëmet e shkatuara, nisur nga Sllovenia, kroacia, Bosnja e Hercegovina dhe nga Kosova. Asaj iu lejua të armatoset me armët më të reja dhe iu lejua të nisin nga puna fabrikat e saj të armatimeve ushtarake.
Agresoi është dashur të dënohet me vite e vite, që të mos i bie ndërmend më për të kërcënuar dikë dhe as për të luftuar më.
