Primitivizmi Urban!

Albini e mban çadrën vetë, Glauku e Lumiri kanë shërbëtorë…

Kimete Berisha

1. Glauk Konfjufcës një mashkull ia mbante çadrën, tek varrezat.
Aty tek varrezat duhet të të ndodh ‘memento mori’, të të kujtohet se gjjthçka rrafshohet me tokë një
ditë, bashkë me çadër.
– Kjo le të jetë hera e fundit që e shoh Glauk Konjufcën si ‘zojë’.
– Tek varrezat foli për krijimin e qeverisë Kurti.
Mirë foli.

2. Presidentja Osmani u ka premtuar të vdekurve se s’do të ndalet së kërkuari drejtësi për ta.
– Anipse ende nuk ia ka nisur të kërkoj drejtësi, premton se s’do të ndalet duke kërkuar.
– Ku po kërkon drejtësi?
Askund.
– Ku shkruan se Presidentja ka kërkuar drejtëri për viktimat, një herë në jetën e saj! Askund.
– Kjo është e mbushur me sofizma dhe me fjalë të kota.
Se, përndryshe kush e ka njëmend, kërkon drejtësi me vepra e jo me pallavra.
Se s’ka më kollaj se me kërku drejtësi.
Zor është me gjetë drejtësi.
– Ulesh dhe e shkruan një
padi kundër Serbisë.
Kaq.

3. Pse për 25 vjet askush nuk e paditi Serbinë për krime dhe gjenocid, së paku të provonte…
– Bile H.Kuçi ka pas propozuar që t’i falim krimet e Serbisë: ‘Për krime lufte s’e kisha dënu asnjë njeri. Kisha bë amnisti”.
– E sheh dëshmitarin e fundit të masakres së Pastaselit të lodhur nga mërzia, që thotë se ende po pres një ftesë nga gjykata për të dëshmuar.
A s’është injorimi i dëshmisë njëlloj ‘vrasje e dëshmitarit!
– Se Drejtësia e Kosovës deri sot i ka shërbyer Serbisë për t’ia fshirë krimet.
Dhe ia ka fshirë goxha do.

4. E ndikuar nga Oscar Wilde, tundohem të çartem si Wilde që tha për amerikanët, e Unë të them për shqiptarët se
‘Shqiptarët kanë kaluar nga primitivizmi në dekadencë, pa e përjetuar civilizimin‘.
– Gati 99 për qind e nxënësve dhe gjimnazistëve shumësin e shkruajnë pa ë’.
– Mbi 90 për qind prej tyre fjalët: fizikë, muzikë, matematikë, Mitrovicë, i shkruajnë pa ‘ë’: muzik, fizik, matematik, Mitrovic’!
– Mbi 90 për qind e nxënësve nuk dinë drejtëshkrim, dhe veten e parë ‘Unë’ e shkruajnë ‘Un’.
– Mbi 99.9 për qind e besimtarëve shqiptarë nuk e kanë lexuar Librin e Shenjtë.

5. Por Lumir Abdixhiku ka probleme me Judën e Viberit të tij.
E kanë tradhtuar.
-.Por është i vendosur, nuk do të heq dorë nga…ku me ditë kush.
– Ka thënë: ‘Jeni mësuar ju me një LDK qyqarem’, demek të paguximshme…
– Dhe po e ka ringjallur fjalën e Rugovës ‘Durim’!
Duroni – tha!
– E çka të durojnë gjindja,
Hajninë tënde!
Apo çka!
– Rugova thërriste për Durim të robërisë, na mësonte ta durojmë pushtuesin (që po ashtu ishte gabim), e jo hajnat!
– Lumir Abdixhiku kujton se ky i pari e ka bërë LDK-në arrogante dhe gllabëruese.
– Kur në emër të qeverisë në egzil LDK e ka vjedhur popullin e pushtuar, të vrarë e të papunë (me tre përqindëshin që vet e përvetësuan dhe me ato pare u bën milionerë), ty të ka qitë buza tambël.
– LDK e ka vjedhur komplet popullin shqiptar, që detyrohej t’i paguante tatime edhe Serbisë edhe LDK-së.
– Populli hante dajak, burg dhe plumba, derisa qeveria e Bukoshit jetonte në Gjermani.
– Prandaj, mos luaj me fjalë, e demek po bëj metafora, se mediokër je…

6. Jetojmë në një kohë kur njerëzit më lehtë u shprehin dashuri kafshëve, sesa njerëzve.
E di pse.
Se kafsha nuk ta kthen fjalën.
– Ka ardh puna asisoji sa lakmi i merr qenit qysh e lëmojnë e i tregojnë përralla…pra!
– Kështu, edhe Përparim Rama e shprehu adhurimin e tij për një qen, me shprehjet më suptile që ekzistojnë, i lezetshëm, tha.
– Dhe frajer, demek qeni zë shumë femra, se këtë punë e kanë frajerët.
– Dhe, tha se do të gjobiten tremijë euro ata shqiptarë që nuk kujdesen për qentë.
– Ndërsa të mos kujdesësh për ndjenjat e njerëzve, nuk ka asnjë gjobë, vazhdo zullumin sa të kesh kudret, dhe veç a mundesh…
– Kur Përparim Rama gënjen dhe mburret se po i mashtron njerëzit, e çon vetullën e djathtë përjetë, e kryesisht, sa herë flet, e çon vetullën përpjetë.
Është frajer.

7. Ndoshta është më mirë… me hesht unë.
P.S. ‘Nuk mundem edhe të të dua, edhe të të kem, moj skile‘! – td.