[ Libra NëLinjë ]
Ismet M. Hasani, 23 Dhjetor 2025
Mbajtja e trurit në aktivitet e zvogëlon mundësinë e humbjës se fuqisë së tij.
Mosmatja dhe mospjekja e mjaftueshme, gjuha e pakontrolluar, llomotitëse, mund të jetë prelud (hyrje) në moçalet dhe kënetat e keqkuptimeve, keqinterpretimeve dhe të papriturave të tjera, të padëshiruara…
*
Dy fjalë për turpin (marren)
Po s’pate cipë turpi, bëj si të duash! Turpi posedon përmbajtje sublime embrionale dhe maksimale etike e morale, fisnike e terësore të individit. Privimi nga heqja dorë nga turpi – PAJTIMI ME TURPIN, nënkupton heqje dorë nga çdo sjellje a veprim etik, moral, ligjor, e pozitives së mirë dhe morale.
Turpi është edhe shënjë e pjekurisë, të sjelljës, qendrimit dhe veprimeve të njeriut, të natyrës së tij të mirëfillët e korrekte; të kulturës dhe shkallës së lartë të vetpërmbajtjës dhe edukatës se tij. Duhet besuar në Zotin dhe duhet lutur:
“O Zot! Të lutëm të mos më nxën ajo kohë kur nuk pasohet i dituri dhe kur nuk turpërohet i urti!”
Turpi është njëra ndër kategoritë më relevante (të një rëndësie të veçantë) etike dhe morale.
*
Hipokrizia dhe hipokritët. Hipokritët bëjnë punë dhe veprime, të cilat janë edhe më të fshehta sesa gjurma e bubrrecit të zi në rrasë të gurit, natën e errët! Me këtë mendim e kemi thënë të tërën, përsa i përket hipokrizisë dhe hipokritëve, që në popull i quajnë “dy f’tyrësh”, apo “munafikë”.
*
Dashuria shpirtërore është rruga e vetme e shpëtimit të njerëzimit dhe lapidari i të gjithë lapidarëve.
*Molla e papjekur nuk hahet se është e tharbët, ndersa molla e vjetër, e vjelur pas kohe mund të rrudhet dhe mund të kalbet shpejt.
*
Kohet e vështira e të jashtëzakonshme, kërkojnë dhe përcillën me vendime të vështira e të parregullta.
Mendojë se:
Çdo kohë bjen vendimin e vet.
Çdo vendimi i vjen koha e vet.
*
Liria është e shënjtë dhe e shtrenjtë; tepër e admirueshme dhe e çmueshme, madje e preferuar se sa çdo gjë tjetër.
I urti Sami Frashëri, shkrimtar, mendimtar, njeri urtë, ndër shumë urti, e thotë edhe këtë: “Aty ku ska liri, shpirti dhe mendja vyhkën (venitën, thahën – I.H.) si bima pa ujë.”
Liria fitohet vështirë – me sakrificë, qëndresë dhe me gjak, ndërsa në liri ardhmëria dhe përparimi pushtohen e fitohen me vullnet, emulacion, përkushtim, me punë të palodhshme, me vështërsi…
*
Besimi në tjetrin është veti e mirë e njeriut
Mirëpo, besimi i tepërt, apo i vërbët ndaj tjetrit apo kundrejt tjerëve, pa dallim, paraqet mendjelehtësi.
Shkalla e besimit, apo e mirëbesimit duhet të provohet e sprovohet në një kohë të gjatë.
Populli ynë i urtë thotë: “Nuk e njeh, as nuk i besohet njeriut, pa e ngrënë një thes krypë me te.”
Beso, analizo dhe verifiko, kontrollo, bindu, tolero, mbushu mend dhe gjithkujt besë mos ie zë. Humbja më e madhe e një populli është humbja e besimit ndaj njëri-tjetrit.
Fitorja më madhe e një populli është ruajtja e besimit ndaj njër-tjetrit.
*
Paqja midis njerëzve varet nga përkushtimi, dashurria dhe këmbëngulësia e tyre.
Sa më shumë afrohën e lidhen njerëzit (popujt) ndërmjet veti, aq më shumë flakën (zhdukën, digjën) dallimet midis tyre.
( V i j o n )
