Gani I. Mehmeti
Përkundër disa “dallimeve” partiake, këto dy parti nuk janë parë të ndara që nga ardhja e Isa Mustafës në krye të LDK-së. Prandaj, nuk i shkon pështati të thuhet se LDK e PDK bëhen bashkë. Jo, këto parti nuk janë parë larg njëra-tjetrës prej një dekade e më tepër. Bashkë kanë qeverisur prej pas shpalljes së Pavarësislë së Kosovës. Prandaj, nuk është e çuditshme po të thuhet se ato sikur ishin të bashkaura prej kohësh, dhe, sikur nuk mundin të ecin pa njëra-tjetrën, sepse të gjitha i kanë ndarë së bashku, përveç çuarjes së shtetit përpara.
Dhe, çka është më e çuditshmja, përkundër shumë akuzave të LDK ndaj PDK gjatë viteve, ajo sërish është bashkë me të kur vie në pyetje formimi i qeverisë. Prandaj, lirisht mund të themi se, nuk i mundon shumë interesimi për shtet, por për pushtet, për çka i shtyn dhe i tërheq të jenë sërish bashkarisht.
Këtu nuk fajlësohet PDK-ja, sepse asnjëherë nuk ka pasur për çka të ankohet në LDK-në e dëgjueshme. E në çka është ankuar e akuzuar PDK nga LDK, mund të shohin të kaluarën e tyre, në veçanti në fushtat parazgjedhore, kur edhe i vënte vijat e kuqe LDK se nuk do të qeverisnin bashkë me PDK. Por, me përfundimin e zgjedhjeve, ajo vi e kuqe merrte ngjyrën e gjelbër dhe bashkoheshin.
Kësaj radhe nuk ka pasur as vija të kuqe mes këtyre dy partive, prandaj ec e thuaj se nuk ishin bashkë!…
