Shkruan: Florim Zeqa, 17.08.2024
Paralajmërimet e kryeministrit Albin Kurti për hapjen e Urës kryesore në Mitrovicë kishin shkaktuar emocione të thella mës gëzimit, frikës dhe pasigurisë qytetare. Për disa ditë e javë rresht, qytetarët e Mitrovicës dhe mbarë Kosovës ishin nën ankthin e pritjes, se çfarë do të sjellë hapja e Urës ndarëse mes serbëve dhe shqiptarëve tani e 25 vite më parë!
E gjitha përfundoj me një mashtrim të madh!
Lëre që nuk iu hjek “duvaku” Nuses (Urës), ajo mbeti nën mburojen e Car Llazarit dhe nën mbrojtjen e KFOR-it italian! Pra, kësaj radhe na shkuan huq të gjitha shpenzimet për kozmetiken e Nuses (Urës) së renovuar!
Sigurisht që në muralet e bardha të Urës së renovuar, serbët dhe shqiptarët do ta kenë më të lehtë që të vendosin grafitet e tyre nacionaliste.
Por, nëse ndodhë që të njollosen faqet (muret) e bardha të Nuses (Urës) nga shqiptarët, këta të fundit do të ndiqen penalisht nga shqipfolësit dhe nderkombëtaret, ngase serbët sikurse deri më tani do të mbesin të pandëshkuar!
Shpallja e zgjedhjeve si shpëtim për konfrontim
Pas shpalljes së ditës së zgjedhjeve më 9 shkurt 2025, ne shqiptarët nuk kemi më kohë të merremi me Urën, pasi prioritet i kemi zgjedhjet pas 6 muajve, të caktuara nga “shefja” e shtetit në “koordinim” me partitë politike!
Deri atehëre, në Veri le të ndodhë çfarë të ndodhë, politikanët tonë nuk kanë kohë për të humbur, e aq më pak të merren me Urën, përveç në situata të nxehta elektorale nën mashtrim për grabitjen e votës së qytetarëve dhe mërgimtarëve!
Shpallja e datës së zgjedhjeve vjen si shpëtim për konfrontim me serbët dhe ndërkombëtarët, si afat kohor që do të sjellë shpresë për një qeveri të re dhe të përgjegjshme, e zonja të përballet me sfidat e kohës dhe problemet e qytetarëve.
Zot mbroje Nusen (Urën) e zbukuruar si “Kalë Troje” në Rripin e Gazes ballkanike mes serbëve dhe shqiptarëve!
O Zot mbroji shqiptarët nga shqiptarët!
Ura do të harrohet, zgjedhjet mbetën prioritet mbi prioritetet e politikës kosovare!
Florim Zeqa, 17.08.2024
