Udhë të mbarë, dallëndyshe!
Gjin Musa
Larg në Jena të Gjermanisë
shkova i tretun, mërgimtar
në dhe të huej si rob i zanë
pa ditë gjuhë, pa njohë njeri.
Dola lart mbi një kodrinë,
pyje te larta, plot gjelbërim
dora e zotit dhane bekimin
sa ndryshim me vendin tim.
Larg e hodha unë vështrimin,
mbushun plot me lot lot dhe vaje
vendin tim ku e kam lanë?
Ku janë Thethi e Jezerca,
Ku asht Shkodra me kalanë?
Për hava vjen nji dallnyshe…
– Ndal, i them,- dallnyshe e mirë,
a thue në Shkodeër je tuj shkue?
shko dallnysh’ pra fluturim,
Falë me shëndet ti vendit tim,
Kështu dhe Mjeda pati shkrue…
Jen-Gjermani
