Nga Jeton Kelmendi
Në një shoqëri normale, ku vërtetë ka demokraci dhe populli ka respect për dijen dhe demokracinë, natyrisht se pozitat e larta shtetërore meritohen, madje janë edhe disa parakushte që duhen plotësuar. Shtrohet pyetja se si mund të zgjidhesh president apo presidente, ta zëmë në Gjermani, Francë apo SHBA. Fillimisht kandidati duhet të jetë i përgatitur profesinalisht, të ketë dinjitet qytetar dhe të njihet si përsonalitet i zoti, pastaj fiton të drejtën vetëm për të hyrë në garë dhe pastaj vendos populloi, qoftë direkt apo indirect me votën e vet. Që kur ekziston shteti, pozita e drejtuesit të shtetit ka pasur rol krucial në zhvillimet e vendit të caktuar. Shkencat politike dhe historia deshmojnë se presidenti zgjidhet ose nga populli ose nga parlamenti, pra varësisht se çfarë organizimi shtetëror është në vend, mirëpo ka raste të caktuara kur për shkak të rrethanave politike, gjendet një përson me kredibilitet të lartë intelektual dhe profesinal dhe kandidohet, gjithnjë duke qenë i pranuar për shumicën e forcave relevante.
Vendi im, Republika e Kosovës, duke qenë shtet i ri dhe me nje demokraci të brishtë, madje me dromca demokracish të importuara nga shumë vende të ndryshme do të thosha, ka shënuar një zhvillim politikë që jo vetëm se sjell një imazh krejtësisht banal, por edhe qesharak: një ‘shef’ nga një ambasadë e fuqishme e një vendi mik, nxjerr nga zarfi një emër për të parin e shtetit. Dhe meqë ra fjala për shefin e shtetit, ketë rast shefe e Republikës së Kosovës u bë Atifete Jahjaga, një police e dobët profesionalisht, por me lidhje të forta me të fortiti jashtë Kosovës. Kjo farë Atifja, erdhi nga një profesion, police, dhe pavarësisht se nuk njeh gjë as nga ky zanat e dorën në zemer asgjë nga diplomacia, edhe sot e kësaj dite po ulet në karrikën e Presidentit të vendit.
Se qendrimi i saj në at karrigë shkelë marrveshjën politike, dihet mirë, ashtu siç dihet se Jahjaga në at pozitë luan rolin e një kryepersonazhi në Teatrin e Kukullave, mirëpo ç’të mirë i sjellë vendit dhe qytetërave puna që bënë kjo zonjë? Mbase mund të flitet gjatë për ketë çështje, por ajo që mua më bënë përshtypje është se në shikim të parë, Jahjaga është femër dhe duke pasur parasysh Ballkanin dhe kulturën politike këtu, mund të duket si një gjë simpatike, pra një femër presidente, mirëpo edhe kështu nuk mund të pandeh se e qëllon, pasiqë kjo zonjë nuk i bënë aspak nderë femres shqiptare, ngase ajo nuk e përfaqëson dinjitetshëm gjininë e bukur. As që ka pamjen, as dijen, as shkollën, e besa edhe ardhja e saj kur e analizon del jo fortë e moralshme, prandaj po e kam të vështirë ta gjejë një të mirë nga të qenit presidente e Atifetës.
Një shembull tipik, ku e para e shtetit ose nuk e dinë alfabetin e diplomacies, ose është aq naïve dhe në shërbim të së keqës së vendit: “Lidetët të gjejnë vet zgjidhje” dhe fakt është se lideret kanë gjetur zgjidhjen, madje kanë krijuar shumicën, por pa PDK-në. Megjithatë, duke menduar gjatë për ndonjë pikë të mirë nga gjithë kjo maskaradë marifetesh me presidenten, gjeta diçka pakë më ndryshe: Pas Atifetës, gjithëkush mund të ëndërrojë të bëhet president apo presidente e vendit. Madje edhe ka arsye, sepse vetëm shikon pak bekgrauntin e vet dhe e krahason me Atifetën dhe nuk del ndonjë diskrepancë e madhe, prandaj ndoshta kjo edhe mund të jetë gjëja më e mirë, apo edhe e vetmja mirodi e krejtë këtij marifeti.
Shpresë për kurrkushët
E çuditshme, por e vërtetë. Kosova, një shtet parlamentar, pas zgjedhjeve nuk mund ti krijoj institucionet! Dikush i ka votat dhe nuk mund ti zgjedh krerët e institucioneve, ndërsa dikush nuk i ka votat, por ka fuqinë e ligjit, sepse ligjin e kontrollon vet dhe serish nuk po mund ti zgjedh instituicionet, sepse kjo far demokracie nuk po lejojka zgjedhje pa i pasur numrat. Kur degjonim fjalën sui generis, sa i përket çështjes së statusit të vendit, shumë kujt i dukej kjo punë e parëndësishme, mirëpo tani po del se në shumë çka Kosova është sui generis, ngase këtu ligji është i shtremëruar, shumica është opozitë dhe humbëse, madje madje thuhen dhe përthuhen edhe aso fjalishë: ose kualicion me ne ose shkojmë në zgjedhje! Thuhet, madje nga eksponent kyç, se shkojmë në zgjedhje na si PDK dhe blloku që ka mbi 400 mijë votues dhe kush fiton ja paftë hajrin.
Si mund të kuptohet kjo, kur përgjysëm më pakë ka votues kjo far PDK-je kundrejt Bllokut, pos si një paralajmërim se unë fitoj gjithqysh, pra pavarësisht mënyrës se si. Këta makiavelist moto e kanë “Qëllimi arsyeton mjetin”, prandja edhe kjo është siu generis. Parlamenti i vendit, duke qenë institucioni më i lartë i shtetit, nuk mblidhet dhe nuk bënë asnjë punë. Madje lere se nuk kryen punët e veta, por Parlamenti pengohet nga një përson që është më e moçmja, dhe ketë privilegj për ta pënguar punën e këtij institucionit ja jep mosha e pensionistës. Se bënë vepër penale në pëngimin e punës institucionale dihet, ashtu siç dihen edhe shkeljet e kushtetutës së vendit nga partia e fuqishme, shantazhet që i bënë kjo parti dhe sejmenet e saj Presidentja Jahjaga, Kryetari i Gjukatës a-kushtetuese Enver Hasani shumicës parlamentare dhe ajo më e çuditshmja gjë, se askush nuk e paditë Flora Brovinën për vepër penale, pengim të punës së institucioneve.
Sa shumë i gjason realiteti Kosovar telenovelave që na i transmetojnë televizionet tona ditë përditë. Dikush edhe ankohet në drejtësinë kosovare, por pse ankohen kjo kategori njerzish, a nuk e shohin se ligjet e Kosovës janë aq të “mira” sa që shumë kujt ja lejon nga burgjet jë jetë kryetar komune, nga pozita e të denuarit, të drejtoj institucione publike, biznese dhe të marrë tendera qeveritarë, pse m’u ankua kush? Por meqënse folëm për Parlamentin e Kosovës, atëherë kush e drejton ketë institucion për momentin, në fakt që më shumë se pesë muaj? Parlamentin e drejton një përson që as nuk është zgjedhur ta drejtoj, as nuk është emruar në at post, as nuk është trashegimtare për at post, pra thjeshtë i bije se është askushi. He pra, edhe këtu paska një të mirë, së paku për një kategori njerëzish. Nga sot e tutje drejtimin e seancave dhe madje edhe të krejt Parlamentit mund ta ëndërrojnë edhe askushet dhe askushat dhe besa qysh po shkonë puna edhe mund ta drejtojnë, pse jo edhe në të ardhmen, siç po ndodhë tash e sa muaj.
Posted by: Bota Press
