Rama: Rezistencë me durim, kauza jonë po përparon
Protesta vazhdon, Rama me greviste të urisë, 14 maj 2010
TIRANE – Nis protesta e opozitës në Bulevardin “Dëshmorët e Kombit” në mbështetje të grevës së urisë të deputetëve të PS-së dhe mbështetësve të tyre për transparencën e zgjedhjeve. Në ditën e 14-të të grevës shëndeti i grevistëve vazhdon të rëndohen. Policia blindon Bulevardin.
ORA 22:45 – BUSHATI: DRAFTI, PROPOZIM RACIONAL
Gjatë një prononcimi për News 24 deputeti socialist Ditmir Bushati ka folur në lidhje me ekzistencën e të ashtuquajturit draft, që do të zgjidhë krizën politike. Bushati pranon se ka “një propozim në tavolinë, por se nuk mund të artikulohen më shumë detaje. Propozimi është racional.”
Sipas tij duhen mirëkuptuar deklaratat e Bosch, pasi ato janë “apel për të zgjidhur krizën dhe maxhoranca duhet ti përgjigjet këtyre apeleve”, sipas Bushatit. Ndër të tjera theksoi se për zgjidhjen e krizës, nuk duhet vullneti i një pale, por i të dyjave.
ORA: 21:37 – LESKAJ NË NEWS24: BERISHA TË MOS I LARGOHET ZGJIDHJES
Në një komunikim për News24, deputetja e PS Valentina Leskaj deklaroi se opozita ka qenë dhe mbetet e hapur për zgjidhjen e ngërcit politik në vend. Duke ju referuar draftit të propozuar nga ndërkombëtarët, Leskaj tha se PS ka qenë në një linjë vazhdimisht me partnerët ndërkombëtarë.
“Ne vazhdimisht kemi qenë për zgjidhje, kemi kontribuar për zgjidhje kemi paraqitur oferta. PS ka qenë gjithmonë ofruese dhe jo refuzuese Jemi këtu për dialog, për zgjidhje afatgjatë dhe të qëndrueshme për shqiptarët. Shpresoj që kryeministri të mos i largohet zgjidhjes” u shpreh Leskaj.
ORA. 21:00 – DULE PËR NEWS 24: EKZISTON NJË DRAFT PËR KOMPROMIS
Kreu i PBDNJ-së, Vangjel Duke në një deklaratë për News 24 pas protestës së sotme deklaron ekzistencën e një drafti idesh për një kompromis të mundshëm moes opozitës e maxhorancës. “Ekziston një draft idesh për një kompromis. Fryma është positive, na con në zgjidhje”, – deklaroi Dule.
Sipas Dules, drafti është një kontribut i ofruar nga ndërkombëtarët për zgjidhje, ndërsa shton se “Kam një kopje të draftit të propozuar.”
ORA: 20:04 – RAMA: KAUZA JONË PO PËRPARON, ZGJIDHJA ËSHTË AFËR
Në ditën e 14-të të aksionit politik opozitar, përmes protestash të vazhdueshme në të gjithë Shqipërinë dhe grevës së urisë në sheshin përpara kryeministrisë, kryesocialisti Edi Rama shpreh vendosmërinë e opozitës për të mos u gjunjëzuar e për të cuar deri në fund kauzën për transparencë, e cila sic tha Rama, po përparon cdo ditë e më shumë drejt zgjidhjes.
“Do të rezistojmë me kurajo e durim pa thyer asnjë xham e pa këputur asnjë lule.
Kurrë nuk kam besuar tek dhuna dhe kurrë nuk do të dyshoj tek rezistenca paqësore si e vetmja rrugë për ti hapur rrugë të mirës. Zëri ynë po dëgjohet, kauza jonë po përparon, zgjidhja është sot më afër se asnjëherë në këta 9 muaj” u shpreh lideri i opozitës përpara mbështetësve të shumtë që ju bashkuan sot protestës së opozitës.
Në përgjigje të akuzave të ardhura nga ana e maxhorancës, e cila konsideron grevën e urisë si pengesë që po i bëhet vendit në rrugën drejt Europës, Rama tha se janë kutitë e mbyllura ato që e mbajnë Shqipërinë larg Europës.
“Nuk është greva jonë e urisë që ka sjellë thellimin e krizës, por thellimi i krizës që ka sjellë grevën tonë të urisë. Mungesa e normalitetit demokratik të këtij vendi është shkaku i protestave tona. Janë kutitë e mbyllura të zgjedhjeve që e mbajnë Shqipërinë larg Europës” u shpreh Rama.
Duke u bërë thirrje forcave të policisë të veprojnë sipas Kushtetutës pa u bërë mjet i interesave të pushtetit, Rama tha se populli do të arrijë tek e ardhmja e dëshiruar pa thyer asnjë xham e pa këputur asnjë lule.
Ndërsa shprehu mirënjohje e admirim për grevistët që janë duke përmbyllur ditën e 14-të në mungesë të plotë të ushqimit, Rama theksoi se beteja për Shqipërinë e re është e vështirë dhe e mundimshme por në interes të cdo qytetari.
“Askush mos mendojë se ne do të thyhemi ne nuk lëvizim prej këtej sepse ajo që ne kërkojmë është interesi ynë kombëtar, interesi i cdo qytetari. Kjo është një betejë për Shqipërinë e re, për ta cliruar vendin nga kthetrat e korrupsionit, është një betejë për vendin tonë ku populli zgjedh ata që do ta qeverisin”, vazhdoi më tej kryesocialisti.
ORA 19:20 – GREVISTET FLASIN NGA CADRA: ZGJEDHJE TË PARAKOHSHME NËSE NUK KA TRANSPARENCË
Fatmir Xhafaj, deputeti grevist, ka deklaruar nga greva e urisë se “Sot është dita e 14-të e grevës, 14 ditë rezistencë për transparencë, sipas tij nuk janë pak për një kauzë të vërtetë që ka në themel clirimin e zgjedhjeve.
“Ne nuk do të ikim me këmbët tona nga kjo cadër por do ta përshkallëzojmë më tej këtë grevë. Ne sot po kërkojmë thjesht dhe vetëm një të drejtë legjitime, por nëse nuk plotësohet kjo e drejtë kërkojmë të largohet kjo qeveri dhe të nisin zgjedhje të parakohshme. Jemi të gatshëm të negociojmë, por jo të bëjmë pazare në kurriz të kauzës së demokracisë”, – theksoi Xhafaj.
Deputeti socialist, Ilir Beqja i futur prej 14 ditësh në grevën e urisë e quajti aksionin e opozitës “Betejën më të madhe midis qytetarisë dhe barbarisë”. Beqja nënvizoi vendosmërinë për të cuar deri në fund kauzën për transparencë ndërsa tha se përmes rezistencës , opozita do ti japë fund barbarisë në vend.
Ndërsa deputeti Arben Ahmetaj është shprehur se “Nuk dalim me këmbë nga kjo cadër deri në ditën që Sali Berisha dhe qeveria e tij e korruptuar nuk gjunjëzohet para një populli democrat”
Kreu i G99, Erion Veliaj shprehu falenderime për qytetarët mbështetës, “Pas 300 orësh në këtë cadër kemi pasur 3 mijë qytetarë që na mbështesnin”, prandaj i themi Sali Berishës se populli nuk ju do më, do transparencë dhe do Europën këtu”, deklaroi Veliaj.
Gjatë fjalës së tij, deputeti Taulant Balla ju drejtua forcave të policisë duke u bërë thirrje të mos i tremben protestës së opozitës.
“Dëshiroj ti them një mesazh të shkurtër 2000 punonjësve të polisicë që kanë rrethuar sot kryeministrinë. Ne nuk jemi këtu kundër jush, ne duam ti jepim dinjitet punës suaj, sepse morali i policisë ka humbur, sepse qeveria jonë drejtohet nga një kryeministër hajdut” u shpreh Balla.
“Sot ne njerëzit e këtij vendi që luftojmë për demokraci jemi një, prandaj unë sot e kam harruar emrin tim, mbaj emrin e cdo shqiptari që proteston”, – deklaroi deputetja Shega Ligori.
Ndërsa këngëtarja Elsa Lila ka mishëruar në këngë “Fjalët e qiriut” të Naim Frashërit dhe më pas ka deklaruar se “Jemi të gjithë qirinj, që po tretemi për shpresë, për liri, për t´ju dhënë më shumë dritë.”
Më tej deputeti Blendi Klosi nënvizoi se Partia Socialiste arriti të shndërrohet në mishërim të kërkesave të të gjithë shqipatrëve. “PS arriti të bëhet mishërimi i kërkesave të gjithë shqiptarëve. “Ne arritëm të ishim nga 20 deputetë të shndërrohemi në 200 grevsitë e nga 200 grevistë në 200 mijë mbështetës, sepse ne jemi misionarë të lirisë”, – tha Klosi.
“Berisha mendon se ne do të shkrihemi këtu, por ai harron se nga ky moment nuk ka më grevistë por misionarë, nga ky moment ka vetëm lule shprese dhe fitore”, -deklaroi Klosi.
ORA: 19:09 – NGJELA: BERISHA TË PRANOJË KOMPROMISIN E NDËRKOMBËTARËVE
Kryetari i PLD-së, Spartak Ngjela duke ju referuar deklaratës së sotme të Ambasadorit Bosch për kompromisin e propozuar nga BE, SHBA e OSBE në funksion të zgjidhjes së krizës politike në vend, i bëri thirrje kreut të qeverisë të pranojë zgjidhjen e ofruar nga bërthama e demokracisë.
“Sot në tryezën e këtij kryeministri është hedhur kompromisi i propozuar nga SHBA, BE dhe OSBE dhe ky palaco që nuk bën gjë tjetër vecse bredh, nuk pranon kompromisin” u shpreh Ngjela ndërsa theksoi se opzita prej 9 muajsh kërkon një të drejtë elementare për transparencën e votës.
ORA 19:00 – DULE: NË SHESH MË SHUMË SE 250 MIJË PËR VOTËN E LIRË
“Jemi më shumë se 250 mijë në shesh për të thënë hapni kutitë, hapni rrugën drejt Europës”, kështu e ka nisur fjalën e tij në protestë kreu i PBDNJ-së Vangjel Dule.
Duke theksuar se vendi është në krizë të thellë institucionale dhe ekonomike, Dule i ka bërë thirrje qeverisë të hapë kutitë e zgjedhjeve.
“Vëndi është shitur dhe në krizë të thellë, krizë politike dhe institucionale, biznesi është zhytur në faliment, papunësia po rritet, ndërkombëtarët shprehin cdo ditë shqetësimin se vendi ynë është i vetmi vend i NATO-s që nuk ka garantuar dot zgjedhjet e ndershme. Qeveria jonë është ulur këmbëkryq në kutinë e zezë të avionit të rrëzuar në zgjedhjet e 28 qershorit. Prandaj le ta dëgjojë sot zërin e popullit që kërkon transparencë”, – nënvizoi Dule.
Ora 18:55 – NDOKA: OSE HAP KUTITË, OSE LARGOHU
Kreu i PDK-së Nard Ndoka ka akuzuar në protestën e sotme qeverinë se e kanë shëndërruar shtetin demokratik në karikaturë, ndërsa I ka bërë thirrje Berishës, të dëgjojë qytetarët, ose përndryshe ti hapë rrugën zgjedhjeve të reja.
“Ose të dëgjosh vullnetin e qytetarëve ose të largohesh njëherë e më parë ,dhe ti lësh rrugën zgjedhjeve të reja e të ndershme”, – deklaroi Ndoka. Në mbyllje të fjalës së tij Ndoka u shpreh se, “Integrimi nuk është sllogan, integrimi është proces reformash. Ne e duam Shqipërinë si e gjithë Europa.”
ORA: 18:52 – MILO: SOT ORA FINALE, NUK MUND TË DUROHET MË
Kreu i PDS, Paskal Milo nisi fjalën e tij përpara mbështetësve të shumtë të mbledhur në Bulevard duke i bërë thirrje kryeministrit Berisha të dëgjojë zërin e popullit, që sic tha ai, është derdhur rrugëve në kërkim të demokracisë dhe votës së lirë.
“Sot dhjetëra mijëra shqiptarë dëshirojnë ti jepet fund kësaj qeverie që nuk dëgjon zërin e arsyes. Është zëri i një populli të tërë që është derdhur rrugëve, që kërkon votën e lirë, demokracinë. Prandaj zoti Berisha dëgjoni zërin e arsyes sa nuk është vonë, nuk mund të durohet më” u shpreh Milo.
ORA 18:40 – NIS PROTESTA E OPOZITES, GJINUSHI: GREVA PËR NJË QEVERI NDRYSHE
Në protestën e madhe të paralajmëruar nga opozita ka folur I pari Kryetari i Partisë Social Demokrate, Skënder Gjinushi. Përpara kryeministrisë Gjinushi thekson se largimi i Sali Berishës është zgjidhja e krizës.
“Kriza ka vetëm një emër Sali Berisha. Zgjidhja është vetëm një, largimi i tij. Ju e keni kapur me presh në duar Saliun 2 herë, por tani e keni kapur me duar në kuti. Populli e njeh si Sali Ruzhdia dhe i kërkon votën e tij me cdo kusht”, tha Gjinushi.
Duke lëshuar batuta kundër qeverisë, Berishës e Ilir Metës, Gjinushi theksoi, “Sot 200 nga shokët tanë janë në grevë urie dhe 200 000 shqiptar nuk kanë me se të jetojnë, pushteti nuk merret në tavolinë por as nën tavolinë duke bërë pazare me LSI. Në këtë godinë mund të hyni vetëm me votoat tuaja dhe jo të përdorësh Ilirin si celës kopil”, deklaroi kreu i PSD-së.
ORA: 17:51 – PRITET TË NISË PROTESTA, BASHA VËZHGON NGA TARRACA E KRYEMINISTRISË
Pritet të nisë protesta e madhe e opozitës në Bulevardin përpara kryeministrisë. Protestues nga të gjitha qytetet e vendit do të marshojnë drejt bulevardit nga akse të ndryshme të kryeqytetit. Protesta pritet të nisë sikurse cdo ditë tjetër në orën 18:00 ndërsa sipas drejtuesve të PS, ky do të jetë manifestimi më i madh opozitar.
Priten fjalime nga krerët e PS dhe aleatët ndërsa nuk dihet se cfarë vendimesh do të merren në kuadër të asaj që është deklaruar nga opozita në lidhje me përshkallëzimin e aksionit politik.
Përpara selisë së kryeministrisë janë në gadishmëri forca të shumta policore ndërsa nuk mungon as vetë Ministri i Brendshëm, Lulëzim Basha i cili është shfaqur në tarracën e godinës.
ORA 17:40 – LË GREVËN GREVISTI I 35-TË
Sot në ditën e 14-të të grevës, pak minuta para se të fillojë protesta masive e opozitës, dërgohet në spital grevisti i 35-të. Bëhet fjalë për Përparim Metaj, 39 vjec.
Mjekët që kujdesen për grevistët kanë vendosur ta largojnë 39-vjecarin pas rëndimit të gjëndjes së tij shëndetësore. Luhatje tensioni, dhimbje të forta stomaku, kanë qënë simptomat që kanë detyruar stafin mjekësor ta dërgojnë atë menjëherë drejt spitalit infektiv në QSUT.
ORA 17:00 – DOKLE: 2000 QYTETARË GATI PËR NË GREVË URIE
Deputeti i Partisë Socialiste Namik Dokle, një orë përpara fillimit të protestës mmasive të PS, deklaron se në protestë do të mblidhen qytetarë nga i gjithë vendi, ndërsa shton që policia po i pengon ata ti drejtohen bulevardit.“Në protestë po vijnë qytetarë nga i gjithë vendi, por policia po pengon lëvizjen e tyre”
Duke theksuar se kryefjala e kësaj proteste është transparenca e zgjedhjeve ne jemi të vendosur ti shkojmë asaj deri në fund. “Respektojmë dialogun respektojmë kontaktet me ndërkombëtarët, por do ti shkojmë deri në fund kauzës sonë për transparencë”, – theksoi Dokle ndërkohë që deklaroi se janë gati “2000 mbështetëtës për tu bërë pjesë e grevës së urisë.”
ORA 14:10 – SOT DY DITËLINDJE BRENDA CADRAVE TË GREVËS SË URISË
Dy grevistë kanë pasur sot ditëlindjen, njëri prej të cilëve deputet
Artan Gaci 41 vjec dhe tjetri shtetasi, Bujar Cela, aktivist në PS nga Lushnja. Për kërë arsye kreu i PS Edi Rama ka vizituar sot cadrën e grevistëve, duke u dhuruar atyre lule dhe duke u uruar ditelindjen.
ORA 13:40 – TJETER GREVIST LE GREVEN
Një tjetër grevist dërgohet në spital, pas komplikacioneve në stomak . Astrit Cengu, 36 vjeç nga Kukësi. Vete në 34 numri i grevistëve që lënë grevën e urisë.
Ora 13:05 – RAMA: GREVA PËR TRANSPARENCË, CËSHTJE E TË GJITHA PALËVE
Kryetari i socialistëve Edi Rama theksoi dhe njëherë sot se transparenca e zgjedhjeve është një cështje që nuk i përket vetëm PS, por të gjithë qytetarëve, për të cilnë ja vlen të bësh grevë. Pas daljes nga spitali infektiv ku qëndrojnë të shtruar disa grevistë, Rama në një prononcim për shtyp theksoi se “edhe mjekët janë cuditur me vërtetësinë e kësaj greve, me trupat e drobitur që besojnë në kauzën e tyre që është thelbësore dhe themelore”.
“Transparenca është tashmë një interes publik, nuk është e një pale por e të gjitha palëve. Dua të theksoj se jemi të vendosur për çdo zgjidhje që i hap rrugë transparencës”, vuri në dukej Rama.
Në kuadër të përpjekjes së grevistëve, Rama vuri në dukje një tjetër përpjekje sipas tij të padenjë.
“ Përballë kësaj përpjekje, kemi një përpjekje të padenjë të shëmtuar dhe të lëkundur që me baltën e shpifjeve dhe lëkundjeve kërkon të dekurajojë ata që janë të vendosur e të palëkundur, qytetarët e përfshirë në këtë betejë”, u shpreh Rama.
ORA 11:40 – GREVISTI I 33-te DERGOHET NE SPITAL
Grevisti i 33-të është detyruar të ndërpresë grevën sot paradite për shkak të komplikacioneve të shëndetit të ardhura nga mos ushqyerja për dy javë rresht. Ferit Leka, qytetar nga Elbasani, njëkohësisht vëllai I deputetit të këtij qarku, Agim Leka është transportuar rreth orës 11.30 minuta me ambulancë në QSUT. Aktualisht në kampin e grevistëve ndodhen rreth 170 protestues, nga 202 të cilët nisën grevën e urisë për trasnparencën e zgjedhjeve në mbërmjen e 30 prillit.
ORA 08:45 – DOKLE: GREVA NUK TERHIQET
Deputeti socialist Namik Dokle tha sot në mëngjes se grevistët janë të dobët fizikisht por me moral të ngritur “Kanë dy javë pa futur asgjë në gojë, përvec ujit dhe serumit, megjithatë ato vazhdojnë të qëndrojnë”- tha Dokle në një prononcim ëpr NEWS24. “Askënd të mos gënjejë mendja që greva do tërhiqet, janë me qindra qytetarë që kërkojnë të hyjnë në grevë”- theksoi deputeti socialist.
ORA 07: 40 – SOT PROTESTA E MADHE E OPOZITES
Protesta do të nisë në orën 18 00: para godinës së kryeministrisë në bulevardin “Dëshmorët e Kombit”, ndërsa “Gazeta Shqiptare “shkruan sot se njerëz të shumtë nga qarqe të ndryshme të vendit, me në krye deputetët e tyre, do të bllokojnë për disa minuta rrugët hyrëse për në Tiranë para orës 18:00.
Para protestët pritet të mblidhet dhe grupi Parlamentar PS ku do të sinkretizohen dhe të gjitha detajet e protestës së pasdites.
Drejtuesit e PS-së garantojnë se protesta e sotme do të jetë paqësore ashtu si deri tani, ndërsa u kanë bërë thirrje forcave të policisë që të zbatojnë ligjet e shtetit dhe jo urdhrat e pushtetit.
Greva e urisë hyn sot në ditën e 14-të dhe situata shëndetësore e grevistëve brenda kapmit para Kryeministrisë sa vjen e rëndohet. Çdo ditë detyrohen të lënë grevën shoqëruar me barela dhe me ambulanca 3-4 persona. 32 protestues kanë ndërprerë grevën, dhe janë shtruar në spital për shkak të përkeqësimit të shëndetit, ndërsa 170 grevistët e tjerë vazhdojnë të qëndrojnë në grevë urie të vendosur deri në plotësimin e kërkesave të tyre.
Si edhe në protestën e datës 30 prill, edhe për sot pritet të angazhohen mijëra forca të policisë jo vetëm para godinës së qeverisë, por edhe në akset rrugore, nga do të vijnë qytetarët për të marrë pjesë në mitingun e orës 18:00. Në shërbim do të jenë edhe Forcat e Ndërhyrjes së Shpejtë.
(s.g/d.b/m.a/e.n/BalkanWeb)
