Nga E. Fundo, E Verteta – 4 tetor 2014.
Grida Duma, ose historia e shkëlqimit të “yllit në ngjitje” në oborrin e ri të Partisë Demokratike
Të gjitha kulisat e një katapultimi politik. Naim Çili, pronari i UET, skenaristi dhe regjisori i gjithë inskenimit. Në sfond, interesa okulte dhe një kredi 18 milion eurosh. Kush e bën krushqinë mes qeverisë dhe Lulzim Bashës, qe Grida Duma të jetë gati për të marrë postin e premtuar në PD.
Grida Duma, u reklamua në media si më e votuara në Këshillin Kombëtar të PD. Tek ky personazh shumë njërëz tek e djathta shohin një intelektuale me nure shumë, simpatike, llafazane dhe që ka autoritet në bisedat publike. Ose ndoshta do të shkonte fjala e gazetarit Blendi Fevziu se “Grida i ka vënë gjoksin opozitës”. Dhe PD sot ka vërtet nevojë për figura që i vendosin gjoksin betejave të ekzistencës politike por edhe ngritjes së shpejtë, pas një humbjeje të dhimbshme.
Por ka disa arsye sesi Grida u bë me e votuara dhe “udheqësja” e pëlqyer. Kuptohet propaganda dhe ekranet kishin peshën kryesore, por më tepër sesa kjo janë disa fakte që na tregojnë sesi u ngrit Grida në opinionin publik. Se pari është UET dhe Henri (Naim) Çili, i cili sponsorizon emisionin “Zonë e lirë”, në TV Klan, ku Grida hodhi hapat e saj më të forta mediatike. Arjan Çani e kishte shpesh të ftuar Gridën dhe kulmin e arriti vitin e kaluar, ku në një pseudo debat të parapërgatitur Grida kundërshtonte Çilin për Ramën si njëriun e vitit. Kuptohet gjithçka ishte paguar dhe paguhet si reklamë sa herë Çili çon njërëz tek Çani.
Nga ana tjetër ishte emisioni Opinioni Blendi Fevziut ku PD, dhe njerëzit e UET afër Bashës çonin Gridën në debate.
Televizioni tjeter News24 e kishte shpesh Gridën në studio dhe emisione; ajo ishtë thuajse çdo ditë në ekran. Këto dalje të shpeshta vazhduan deri ditën e vrasjës së bankierit Artan Santo, ku Grida pati një tërheqje nga ekranet dhe u rishfaq vetëm në kuvendin e PD, një javë më parë.
“Shtrati” i Ramës
Paralel me daljet në media një sulm ndaj Gridës filloi edhe kryeministri Edi Rama. Ai në parlament shpesh artikulonte, “Grida, Gridërimi” etj. shprehje ku theksohej emri i vajzës që kishtë pushtuar ekranet dhe mediat. Batuta dhe ngacmime ndaj një emri, e cila gjatë qeverisjes së PD, ishte askushi nga pesha politike, se fundi një zv/ministere integrimi, që më shumë mbahet mënd për të tjera histori në atë institucion, përpara se ajo të shkonte vetë.
Dalja në media dhe sulmi nga Rama, ishin dy armë të forta për të ngritur figurën e saj në opinionin e djathtë dhe militantët e PD. Kreu i qeverisë kishte përballë dhjetra ish-ministra dhe politikanë karriere, por ai asnjëherë nuk përplasej me ta. Rralle ju hidhte ndonjë batudë dhe më pas hop na dilte Griderimi në çdo frazë. Gjithçka bëhej nga kryeministri Edi Rama ishte e qëllimshme. Godiste Gridën që ajo të ngrihej sa më lart brenda PD-së. Pra t’i krijonte një shtrat sa më të qetë në lumin e turbulluar të opozitës.
Çili, UET dhe Rama
Që pagesën mediatike e bëntë Çili dhe UET, kjo dihet dhe këtu nuk ka asgjë të keqe se një universitet kërkon të ngrejë një figurë në politikë. Por kur i hapen petët byrekut, atehere shohim dhe brumin e gatuar. Përveç pagesës mediatike, Çili është personi që ka folur më Ramën për sulmin ndaj Gridës dhe nyja lidhëse ka qenë Endri Fuga. Çili se bashku me Endri Fugën përgatitën pseudo reformën në arsim. Një lëvizje që la në rrugë mijëra studente dhe që pasuron Çilin. Ishte ky i fundit që kreu pagesat e këshilltarëve të huaj, njësoj si pagesat për daljen e Gridës në media. Në fakt Fuga kishte detyrime ndaj Çilit për shkak se babai i tij në UET mban 3 detyra dhe paguhet me mijëra euro, por më shumë se kaq, Ramës i duhej një njeri lehtësisht i goditshëm në opozitë. Për më tëpër Rama ka dhe një lidhje tjetër, apo detyrim që e çonte tek qoka ndaj Gridës, që do e përmendim më poshtë.
Santo, Çili dhe Rama në shërbim të Gridës
Bankieri i ndjere Artan Santo i ka dhënë një kredi prej rreth 18 milion euro Çilit dhe UET, dhe dihet që shpesh Santo drekonte apo rrinte me orë të zgjatura në këtë universitet. Dhe burimi i parave të financimit të Grides është kredia e marrë në Banken Credins nga Çili dhe UET. Edhe vetë Rama, ka qenë një mik i afërt më Santon dhe askush nuk mund ta mohojë faktin se jo vetëm Çili por edhe Santo, mund t’i ketë kërkuar Ramës të bëjë një lojë politike, që Grida të ngrihet politikisht. Pra “shtratin politik” të Gridës, nuk e kemi nga asgje tjetër veçse nga financimet që vinin nëpërmjet kredisë të Santos dhe sulmit politik nga Edi Rama. Të dyja këto janë tashmë te njohura dhe nuk i mohon as vetë Grida dhe jo më Çili.
Njohja, lidhja apo mbeshtetja e Artan Santos ndaj Gridës vërtetohet edhe me faktin se Grida Duma është personi i pyetur nga prokuroria për vrasjen e bankerit të ndjerë. Në rast se nuk do te kishte asnjë njohje apo lidhje mes tyre, nuk do kishte asnjë arsye pse prokuroria të thëriste Gridën dhe ta merte në pyetje. Këtu të mos harrojmë edhe faktin që numri i Gridës është gjetur tek thirrjet e bankierit. Pra njohja ekziston dhe shumë prej të njohurve të tyre deklarojnë se ishin vërtet shumë miq.
Më tej ka dhe disa fakte të tjera interesante, për miqësinë e tyre. Pas vrasjes së bankierit Santo, Grida Duma kërkon takim me kryeministrin Edi Rama. Kuptohet me këshillën e Çilit. Rama nuk e pret Gridën por e çon tek Niko Peleshi, i cili ka pasur një takim me zonjën, e cila ishte e trembur dhe e frikësuar pas vrasjes së Santos.
Por ka edhe një takim tjetër të përfolur të Gridës, me një nga ministrat dhe njerëzit më besnikë të Edi Ramës. Është fjala për Ministrin e Brendshëm Saimir Tahiri. Medohet se Grida Duma, ka pasur një takim të zgjatur më Tahirin, pas vrasjës së bankierit Artan Santo. Përse gjithë këto takime, thirrje në prokurori të kësaj zonjë pas vrasjes së bankierit? Dikush do të thoshtë rastësi. Por në prokurori është thirrur dhe është pyetur për vrasjen në fjalë, as Ministri i Brendshëm dhe as miqtë e saj më të ngushte nuk e mohojnë dot, se ajo ka qenë në takime dhe prokurori pikërisht për këtë ngjarjë. Dhe në dijeni për këto takime janë shumë përsona publikë ose jo.
Cila ka qenë lidhja e Grida Dumës më bankierin e ndjerë Artan Santo? Kjo pyetje nuk ka nevojë për përgjigje, pasi tashmë e rëndësishme është zbardhja e vrasjes dhe jo procesi “Grida në politikë”, e cila tashmë ka përfituar atë që donte.
Credins financoi UET, UET mediat, Çili dhe Santos ndërhyjnë tek Rama për sulmet politike, dhe ne fund kemi gati një produkt shumë të votuar në Këshillin Kombëtar, që shumë shpejt do jetë një nga figurat kryesore të Partisë Demokratike.
Në fakt Grida dhe UET ia arritën qëllimit, që ta çonin atje ku donin, por prokuroria nuk duhet të thërrasë vetëm Grida Dumën, për vrasjen e bankierit Artan Santo, por edhe shumë persona të tjerë. Stafin kryesor të UET, dhe në mënyrë të veçantë Henri Çilin, pasi aferat dhe punët e tij me Santon, kredia, fshati Xixa, sponsorizimet për Gridën, pjesmarrja e Santos në takimet e UET, janë fakte që të çojnë tek dëshmia e Henri Çilit mbi ngjarjen.
Faktet e mësipërme në lidhje me ngritjen e rrufeshme në politikë të Gridës shkojnë paralel me punët dhe pazaret e tjera të Çilit me bankierin Santo. Gjithçka e vërtetohet së tepërmi edhe nga fotoja e shkrimit, por nuk është e vetmja që disponojmë. Në foto ndodhet bordi drejtues i UET, ku pasi kanë ngrënë vaktin dhe kanë pirë verë, po shijojnë sorbeton e fundit. Prania e bankierit të ndjerë Artan Santo në krah të Gridës, në një drekë pune, të krereve kryesorë të UET, flet jo pak për gjithçka renditëm më sipër për Gridën, Çilin dhe UET. Në lidhje më të ndjerin Santo, financimin e tij ndaj universitetit të sipërpërmendur dhe karrierën e ndritur, që dha rezultat të plotë në kuvendin e PD, mund të themi se ai ishte investitori që Grida Duma, të ngrihej në politikë dhe më pas të ishte njeriu që do merrte bashkinë e Tiranës apo kandidatja zyrtare e opozitës.
Por tashmë bankieri Artan Santo është ndarë nga kjo jetë, Grida ngrihet lart e më lart, ajo dhe UET sigurojnë përqindje të lartë përfaqësimi në drejtimin e opozitës. UET dhe Çili megjithëse ditën kërkojnë pushtet tek opozita, natën kërkojnë “shtratin” e qeverisë dhe kryeministrit Rama, kjo e fundit u vërtetua më reformën në arsim.
Gjithësesi opozitës dhe kreut të saj do i duhet dhe pak kohë të kuptojë gjithçka thamë më sipër. Por kjo nuk e shërron sot as vetë opozitën, nga viroza Grida dhe sëmundja e pashërueshme UET.
