E kohës
Kryeministri i Maqedonisë së (Veriut), Zoran Zaev paskësh dhënë dorëheqje nga detyra e të parit të qeverisë në Shkup. Ky u bë lajm i ditës dhe pa hamendje po theksojmë se kjo është lojë politike se jo mahi…(sic!).
Djali i Strumicës, Zoran Zaev, dikur shiste bostan(shalqin) nëpër qytetet e Serbisë dhe, tashmë e kemi parë nga afër se si ka nostalgji për shtetin me “marrëdhënie vëllazërore” me Serbinë e Aleksandër Vuçiq(sic!).
Shqiptarët përmes partive politike dhe të kaolicioneve sa për pak pushtet, i pati rahatuar dhe ua mbylli gojën që, para faktorit ndërkombëtar(BE-SHBA) mos të flitet për çështjen e (pa)zgjidhur shqiptare në hapësirën etnike në Maqedoninë e Veriut!
Zoran Zaev po e luan lojën e mirë politike, sa herë që merrë golat nga mesi i fushës (politike në Shkup)! Ndërkaq, partitë politike shqiptare kanë mbetur duke u shtyrë me bërryla se kush do të jetë i pari në “krye të vendit”, në fund të korridorit të qeverisë në Shkup(sic!).
Partitë politike shqiptare, ndryshojeni kursin politik dhe tash e tutje duhet të merrni udhën me një kahje (kombëtare), ndonëse e pranoni ose jo, çështja shqiptare ka mbetur e (pa)zgjidhur ne hapësirën etnike në Maqedoninë e Veriut(!).
Çikago, 6 nëntor 2021
Skënder Karaçica
Executive Director
Albanian-American Association
of Intellectuals Businessmen and Activists
Phone: +1 (708) 983-5394 | Email: S_Karaqica99@Hotmail.Com
